मुंबई : सणासुदीचा सेल संपल्यानंतरही काही स्मार्टफोन्सना उत्तम डील मिळत आहेत. Xiaomi 12 Pro 5G त्यापैकी एक आहे. तुम्ही Xiaomi च्या वेबसाइटवर बंपर डिस्काउंटसह 50 मेगापिक्सेलचे तीन कॅमेरे असलेला हा फोन सध्या खरेदी करू शकता.

कंपनीच्या वेबसाइटवर फोनच्या 8 GB रॅम आणि 256 GB इंटरनल स्टोरेज वेरिएंटची MRP 79,999 रुपये आहे. तो आता 54,999 रुपयांना खरेदी केला जाऊ शकतो. याशिवाय तुम्ही ICICI बँक कार्डने पेमेंट केल्यास तुम्हाला 3,000 रुपयांची झटपट सूटही मिळेल.

Mi एक्सचेंज डील अंतर्गत, वापरकर्त्यांना 16, 500 रुपयांपर्यंतचा फायदा देखील होऊ शकतो. एक्सचेंज ऑफरमध्ये फोन घेणाऱ्या यूजर्सला कंपनी 5 हजार रुपयांची अतिरिक्त सूटही देणार आहे.

Xiaomi 12 Pro 5G ची वैशिष्ट्ये आणि तपशील

फोनमध्ये 1440x3200 पिक्सेल रिझोल्यूशनसह 6.73-इंचाचा QHD + E5 LTPO 2.0 AMOLED डिस्प्ले आहे. डिस्प्ले 120Hz च्या रीफ्रेश दर आणि 480Hz च्या टच सॅम्पलिंग रेटसह येतो. HDR10+ आणि डॉल्बी व्हिजन असलेल्या या फोनमध्ये स्क्रीन संरक्षणासाठी गोरिल्ला ग्लास विक्टस देखील आहे. हा प्रीमियम फोन 12 GB पर्यंत रॅम आणि 256 GB पर्यंत अंतर्गत स्टोरेज पर्यायामध्ये उपलब्ध आहे.

यात स्नॅपड्रॅगन 8 Gen 1 चिपसेट प्रोसेसर आहे. फोटोग्राफीसाठी फोनच्या मागील बाजूस एलईडी फ्लॅशसह तीन कॅमेरे देण्यात आले आहेत. यामध्ये 50-मेगापिक्सेलचा प्राथमिक कॅमेरा 50-मेगापिक्सेल अल्ट्रा-वाइड अँगल लेन्स आणि 50-मेगापिक्सेल टेलिफोटो लेन्सचा समावेश आहे. सेल्फीसाठी, तुम्हाला फोनच्या पुढील बाजूस 32-मेगापिक्सलचा फ्रंट कॅमेरा दिसेल.

फोन इन-डिस्प्ले फिंगरप्रिंट सेन्सरसह येतो आणि 4600mAh बॅटरीने समर्थित आहे. ही बॅटरी 120W फास्ट चार्जिंगला सपोर्ट करते. याशिवाय, हे 50W वायरलेस चार्जिंग आणि 10W वायरलेस रिव्हर्स चार्जिंगला देखील समर्थन देते. कनेक्टिव्हिटीसाठी फोनमध्ये 5G, Dual SIM, Wi-Fi 6, Bluetooth 5.2, GPS, NFC आणि USB Type-C पोर्ट सारखे पर्याय देण्यात आले आहेत.