TRAI New Rules : टेलिकॉम क्षेत्रातील ग्राहकांसाठी नवी वर्षाची मोठी घोषणा करण्यात आली आहे. भारतीय दूरसंचार नियामक प्राधिकरण (TRAI) ने Airtel, Jio, Vodafone Idea (Vi) आणि BSNL सारख्या कंपन्यांना नेटवर्क कव्हरेज मॅप्स त्यांच्या वेबसाइटवर प्रदर्शित करण्याचे निर्देश दिले आहेत. या निर्णयामुळे 1.2 अब्ज मोबाईल युजर्सना त्यांच्या भागातील नेटवर्क कव्हरेज माहिती सहज उपलब्ध होईल आणि योग्य ऑपरेटरची निवड करणे सोपे होईल.
1. ऑपरेटर निवड सुलभ होणार
नवीन सिम कार्ड खरेदी करताना किंवा ऑपरेटर बदलताना युजर्सना चांगल्या नेटवर्कबाबत माहितीची कमतरता जाणवत होती. मात्र, आता 2G, 3G, 4G आणि 5G कव्हरेज क्षेत्राची तपशीलवार माहिती ऑनलाइन मिळाल्याने ग्राहक योग्य निर्णय घेऊ शकतील.
2. सेवेचा दर्जा उंचावणार
TRAI ने स्पष्ट केलं की, नेटवर्क कव्हरेजचे अचूक मॅप्स उपलब्ध केल्याने युजर्स सेवा गुणवत्तेचा (QoS) अंदाज घेऊ शकतील. खराब कव्हरेज असलेल्या भागांबाबत माहिती मिळाल्यामुळे ग्राहकांनी सेवा गुणवत्तेबाबत योग्य अपेक्षा ठेवता येईल.
2G ते 5G कव्हरेजची माहिती
प्रत्येक टेलिकॉम कंपनीला त्यांच्या 2G, 3G, 4G आणि 5G नेटवर्क कव्हरेजची माहिती तपशीलवार मॅपद्वारे दाखवावी लागणार आहे.
वायरलेस व्हॉईस आणि ब्रॉडबँड सेवा
विशेषतः कोणत्या भागात कोणती वायरलेस सेवा (व्हॉईस व ब्रॉडबँड) उपलब्ध आहे, याबाबतही मॅप्समध्ये माहिती असेल.
मोबाईल अॅपवर माहिती मिळेल. वेबसाइटसह, या कव्हरेज मॅप्सची उपलब्धता कंपन्यांच्या मोबाईल अॅप्सवरही असेल.
TRAI ने टेलिकॉम कंपन्यांना एप्रिल 1, 2025 पर्यंत हे निर्देश पाळण्यास सांगितलं आहे. या मॅप्सना त्यांच्या वेबसाइटच्या होमपेजवर स्पष्टपणे दर्शवणे बंधनकारक असेल. शिवाय, नेटवर्क कव्हरेजबाबतची माहिती नियमित अद्यतनित करण्याचेही निर्देश देण्यात आले आहेत, जेणेकरून युजर्सना रिअल-टाइम नेटवर्क माहिती मिळेल.
याआधी, TRAI ने कंपन्यांना 99% पेक्षा जास्त सेवा गुणवत्ता राखण्याचे आवाहन केले होते. आता कव्हरेज मॅप्ससह, ग्राहकांना त्यांच्या भागातील सेवा दर्जाबाबत सविस्तर माहिती मिळणार आहे, ज्यामुळे चांगल्या सेवा प्रदान करण्यासाठी कंपन्यांवर दबाव निर्माण होईल.
टेलिकॉम कंपन्यांनी हा उपक्रम राबवल्यानंतर युजर्सना आपल्या भागातील सर्वोत्तम नेटवर्क ऑपरेटर निवडणे अधिक सोयीस्कर होईल. त्यामुळे ग्राहकांनी या सुविधेचा लाभ घेण्यासाठी TRAI च्या सूचनांकडे लक्ष ठेवावे आणि वेळोवेळी आपला ऑपरेटर तपासावा. आता नेटवर्क कव्हरेज माहिती तुमच्या बोटांच्या टोकावर उपलब्ध होईल!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.