Whatsapp Ban Indian Accounts : ऑनलाइन फसवणुकीच्या वाढत्या प्रकरणांमुळे व्हॉट्सअ‍ॅपने आपल्या वापरकर्त्यांचे संरक्षण करण्यासाठी सुरक्षेच्या उपाययोजनांचा सतत सुधारणा केली आहे. कंपनीने वापरकर्त्यांना सतर्क राहण्याचे, संशयास्पद अकाउंट्सची माहिती देण्याचे आणि अनोळखी किंवा स्पॅम मेसेजेसशी संवाद साधू नये असे आवाहन केले आहे.
व्हॉट्सअ‍ॅप जे मेटा या कंपनीच्या मालकीचा लोकप्रिय इन्स्टंट मेसेजिंग अ‍ॅप आहे त्याने भारतामध्ये ऑनलाइन फसवणूक रोखण्यासाठी एक मोठे पाऊल आहे. या महिन्यात व्हॉट्सअ‍ॅपने एकाच महिन्यात जवळपास 99 लाख भारतीय अकाउंट्सवर बंदी घालून एक नवा रेकॉर्ड बनवला आहे. हा निर्णय व्हॉट्सअ‍ॅपच्या सुरक्षेच्या उपाययोजना करून फसवणुकीला थांबवण्याच्या प्रयत्नांचा एक भाग आहे.
भारतामध्ये व्हॉट्सअ‍ॅपच्या मोठ्या वापरामुळे या प्लॅटफॉर्मवर फसवणूक करणारे आणि स्पॅम करणारे लोक सक्रिय होतात. त्यामुळे फेक अकाउंट्स, स्कॅम्स आणि स्पॅम मेसेजेस रोखण्यासाठी व्हॉट्सअ‍ॅपने आपली सुरक्षा व्यवस्था अधिक सक्षम केली आहे. कंपनीच्या ताज्या कंप्लायन्स रिपोर्टनुसार, 1 जानेवारी 2025 ते 30 जानेवारी 2025 दरम्यान, 99 लाखाहून अधिक भारतीय अकाउंट्सवर बंदी घालण्यात आली आहे. हे व्हॉट्सअ‍ॅपच्या इतिहासातील भारतातील सर्वात मोठे क्रॅकडाउन ठरले आहे.
व्हॉट्सअ‍ॅपकडे एक अत्याधुनिक ऑटोमेटेड प्रणाली आहे जी वापरकर्त्यांच्या क्रियाकलापावर लक्ष ठेवते. जर कोणतेही अकाउंट स्पॅम मेसेजिंग, फसवणूक किंवा प्लॅटफॉर्मच्या धोरणांचे उल्लंघन करत असेल, तर ही प्रणाली स्वयंचलितपणे त्या अकाउंटला फ्लॅग करून बंदी घालते.
या रिपोर्टमध्ये असे देखील म्हटले आहे की, 99 लाख बंद केलेल्या अकाउंट्सपैकी सुमारे 13.27 लाख अकाउंट्स पूर्वतयारीतच बंद केली गेली होती. म्हणजेच त्या अकाउंट्सवर वापरकर्त्यांची तक्रार प्राप्त होण्यापूर्वीच त्यांना ब्लॉक केले गेले होते.
ऑटोमेटेड बंदीशिवाय व्हॉट्सअ‍ॅप कंपनी वापरकर्त्यांच्या तक्रारींवर देखील कारवाई करते. जानेवारी 2025 मध्ये 9,474 तक्रारी वापरकर्त्यांनी अकाउंट उल्लंघनाच्या बाबत दाखल केल्या होत्या. 239 अकाउंट्सवर कारवाई करून त्यांना बंद केले गेले. व्हॉट्सअ‍ॅप वापरकर्त्यांना अशा अकाउंट्सची तक्रार करण्याची आणि रिपोर्ट करण्याची सोय देईल जे हेराफेरी, स्पॅम किंवा फसवणूक करणाऱ्या गोष्टींमध्ये सामील असतात. जर तुम्हाला संशयास्पद मेसेजेस आले, तर तुम्ही त्या अकाउंटला थेट चॅट सेटिंग्जमधून रिपोर्ट करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.