How to book tickets for Bengaluru-Rishikesh special train: भारतीय रेल्वे विभागाने मोठा निर्णय घेत 19 जून 2025 पासून बंगळुरुहून थेट ऋषिकेशपर्यंतची ट्रेन सेवा सुरू केली असून ही ट्रेन महाराष्ट्रातूनही जाणार आहे. ही बंगळुरु-ऋषिकेश ट्रेन नागपूरला स्टॉप घेणार आहे. नागपूरकरांना उत्तरेकडील धार्मिक पर्यटनस्थळांपर्यंत सहज प्रवास करता येणार आहे.

ही सेवा "यशवंतपूर–ऋषिकेश एक्स्प्रेस स्पेशल" या नावाने ओळखली जाणार असून, ट्रेन क्रमांक 06597/06598 असे असतील. या ट्रेनमुळे विशेषतः चारधाम यात्रा, हरिद्वार आणि ऋषिकेशकडे जाणाऱ्या भाविक व प्रवाशांना मोठा दिलासा मिळणार आहे.

ट्रेनचं वेळापत्रक

• बंगळुरुहून (यशवंतपूर) सुटणार : 19 जून, 26 जून, 3 जुलै रोजी सकाळी 7 वाजता

• ऋषिकेश : दुसऱ्या दिवशी सकाळी 10.20 वाजता

• ऋषिकेशहून परतीचा प्रवास : 21 जून, 28 जून, 5 जुलै रोजी संध्याकाळी 5.55 वाजता

• बंगळुरु : दुसऱ्या दिवशी संध्याकाळी 7.45 वाजता

नागपूरसह महत्त्वाचे स्टॉप

या दीर्घ रेल्वेमार्गात नागपूरसह खालील ठिकाणांवर स्टॉप असणार आहेत:

येलहंका, हिंदूपूर, धर्मावारम, कर्नूल, हैदराबाद (काचिगुडा), बल्हारशाह, नागपूर, भोपाळ, झांसी, आग्रा कँट., दिल्ली (हजरत निजामुद्दीन), मेरठ, हरिद्वार व ऋषिकेश

प्रवाशांसाठी सुविधा

या एक्स्प्रेस ट्रेनमध्ये विविध श्रेणींतील प्रवासाचा पर्याय दिला आहे:

• एसी फर्स्ट क्लास

• एसी 2 टियर

• एसी 3 टियर

• स्लीपर क्लास

• सामान्य (जनरल) डबे

प्रवाशांच्या सोयीसाठी ट्रेनमध्ये ऑनबोर्ड केटरिंग तसेच ई-केटरिंगचीही सुविधा उपलब्ध करून देण्यात आली आहे. ही ट्रेन कमाल 130 किमी/तास वेगाने धावणार असून सरासरी वेग 47 किमी/तास असेल.

तिकिट बुकिंग कसे कराल?

• अधिकृत IRCTC वेबसाइटवरून

• देशभरातील रेल्वे आरक्षण केंद्रांवरून