निर्सगाचा समुद्री अनमोल खजिना पाहायचा असेल तर तुम्ही लक्षद्वीपला जरूर भेट द्यायला हवे. लक्षद्वीप समुद्रातील बेटांचा एक समूह आहे. भारतातील आठ केंद्रशासित प्रदेशांपैकी सर्वात लहान केंद्रशासित प्रदेश म्हणून ओळखला जातो. लक्षदीप बेट विस्ताराने लहान असून, त्यांची समुद्रसपाटीपासूनची उंची तुलनेने कमी आहे. याठिकाणी आराम करण्यासाठी नाहीतर स्कूबा डायव्हिंगसाठी हे ठिकाण प्रसिध्द आहे. लक्षद्वीपचे हवामान आल्हाददायक असते. मात्र मार्च, एप्रिल व मे महिन्यांत याठिकाणी कडक उन्हाळा जाणवतो. याठिकाणचे तापमान 30 अंशाच्या वर जात नाही. तुम्ही समुद्र सफारीचा वेगळा आनंद घेण्यासाठी हा पर्याय निवडू शकता.

समुद्रसपाटीचा घ्या आनंद

लक्षद्वीप समुद्रकिनारे आणि प्रवाळांची भूमी असणारा प्रदेश आहे. याठिकाणी लांब पल्याचे किनारे आहेत. तुम्ही मावळत्या सूर्याचा नजारा पाहू शकता. गर्दीपासून जर लांब राहायच असेल तर हे ठिकाण तुमच्यासाठी बेस्ट आहे. सुंदर पोवळ्यांसाठी हे ठिकाण फेमस आहे. तुम्ही हे पाहण्याचा आनंद ही घेऊ शकता.

लक्षद्वीप यासाठी ही आहे फेमस

विदेशी पर्यटकांना अश्या ठिकाणी जायला खूप आवडते. प्रवाळ बेट, अगत्ती बेट या समुद्रकिनाऱ्यावर कडक ऊन असल्यामुळे निवांत क्षण घालवण्यासाठी या ठिकाणांना पसंती दिली जाते. हिरव्या नारळाच्या झाडांनी झाकलेल्या या सुंदर आणि विशाल किनाऱ्याला भेट देण्यासाठी जाऊ शकता.

बंगाराम बीच

बांगाराम बेट लक्षद्वीपचे रहस्यमय असे बेट आहे. हे ठिकाण वॉटर स्पोर्ट्स प्रेमींसाठी बेस्ट आहे. स्कूबा डायव्हिंग, खोल समुद्रात मासेमारी, स्नॉर्कलिंग, कयाकिंग, विंडसर्फिंग वॉटर स्पोर्ट्सचा याठिकाणी आनंद घेऊ शकता.

सीफूड मिनिकॉय

तुम्ही जर खाण्याचे शौकिन असाल तर सीफूड मिनिकॉय याठिकाणी तुम्हाला केरळ ते कोकणची चव चाखायला मिळेल. मुस कबाब, फिश करी कबाब, गरमागरम भात, रोटी अशा सर्व प्रकारच्या डिशेसचा आनंद तुम्ही इथे घेऊ शकता. तसेच ताजे क्रिस्पी ऑक्टोपस फ्राई आणि ताजे पकोडे देखील खाण्याचा आनंद घेता येईल.