Summer Vacation Travel : सध्या काही मुलांच्या परीक्षा संपत आल्या आहेत, तर काही मुलांच्या परीक्षा संपून त्यांना सुट्ट्या लागल्या आहेत. मुले खास करून उन्हाळ्याच्या सुट्टीची आवर्जून वाट पाहत असतात. कारण, ही सुट्टी मोठी असते आणि या सुट्टीत मुलांना फिरायला जायला आवडते.

मुलांना ही सुट्ट्या लागल्यानंतर पालक देखील मुलांसोबत फिरायला जाण्याचे प्लॅन्स बनवतात. यंदाच्या उन्हाळ्याच्या सुट्टीत तुम्ही देखील मुलांसोबत फिरायला जाण्याचा प्लॅन करत आहात? मग, हा लेख शेवटपर्यंत वाचा. कारण आज आम्ही तुम्हाला देशातील काही अशा ठिकाणांबद्दल सांगणार आहोत. जिथे तुम्ही फिरण्याचा मनमुराद आनंद घेऊ शकाल. कोणती आहेत ती ठिकाणे? चला तर मग जाणून घेऊयात.

लोणावळा

महाराष्ट्रातील सुप्रसिद्ध थंड हवेचे ठिकाण म्हणून लोणावळा प्रसिद्ध आहे. उन्हाळ्यात येथील वातावरण आल्हाददायक असते. कुटुंबासोबत फिरण्यासाठी हे एक बेस्ट ठिकाण आहे. येथील उंच पर्वत, डोंगरदऱ्या, धबधबे, आसपासचे किल्ले आणि मनमोहक निसर्ग तुमच्या मनाला भुरळ घालतो. केवळ १० हजारांमध्ये तुम्ही कुटुंबासोबत ही लोणावळ्याची शॉर्ट ट्रीप प्लॅन करू शकता. (Lonavala)

जैसलमेर

राजस्थान या राज्यातील लोकप्रिय पर्यटनस्थळ म्हणून जैसलमेर ओळखले जाते. येथील वाळवंटात तुम्हाला मुलांना घेऊन उंट आणि हत्तीची सवारी करता येईल. येथे तुम्ही तंबूमध्ये ही राहू शकता. जैसलमेरला गेल्यावर तेथील आसपासची प्रेक्षणीय स्थळे जसे की, पटवों की हवेली, गडीसर तलाव आणि खाबा किल्ला यांसारख्या ठिकाणांना तुम्ही भेट देऊ शकता. (jaisalmer)

हिमाचल प्रदेश

उन्हाळ्याच्या दिवसांमध्ये कुठेतरी उंच पर्वतीय भागात आणि थंड हवेच्या ठिकाणी जायला लोकांना आवडते. तुम्हाला ही थंड हवेच्या ठिकाणी जायचे असेल, तर हिमाचल प्रदेश हे राज्य त्यासाठी बेस्ट आहे. सर्वात महत्वाचे म्हणजे या ठिकाणी जाण्यासाठी तुम्हाला १० हजार रूपये मोजावे लागतील. येथील वातावरण थंड आहे, त्यामुळे, कुटुंबासोबत तुम्हाला येथे वेळ घालवताना मजा येईल. हिमाचल प्रदेशात भेट देण्यासाठी अनेक चांगली ठिकाणे आहेत. (Himachal Pradesh)