Pose with Tiger Viral Video : पाळीवप्राणी आणि माणसांचे अनेक रोचक व्हिडीओज सोशल मीडियावर रोजच व्हायरल होत असतात. प्राण्यांसोबत खेळतानाचे अनेक व्हिडीओज समोर येत असतात. पण एक असा व्हिडीओ समोर आला आहे की, ज्याचं नाव ऐकलं तरी अंगाचा थरकाप होतो.

या व्हिडीओत मुलगी चक्क वाघासोबत पोज देत फोटोशूट करत होती. एका वाघाला पाठीवर घेऊन ही पठ्ठी मस्त रिलॅक्स मूडमध्ये पोज देत होती. आणि त्यावर आश्चर्य म्हणजे एवढा हिंस्र पशू असणारा वाघ तिच्या या पराक्रमाने रागवण्या ऐवजी एखाद्या जेंटलमन सारखा वागत आहे.

हा व्हिडीओ सोशल मीडियावर पोस्ट करण्यात आला आहे. ज्यावर वाघांना लहानपणापासून प्रशिक्षित करण्यासाठी ट्रेनिंग देण्यात येईल असं लिहिलं आहे. हा व्हिडीओ ५५ हजारपेक्षा जास्त लोकांनी बघितलेला आहे. याला हजारो लोकांनी लाइक केला आहे.