हरियाणा येथील गुरूग्राम मधील एक व्हिडीओ सध्या सोशल मीडियावर जोरदार व्हायरल होत आहे.या व्हिडीओमध्ये एका कॅफेबाहेर बसून काही तरूण हनुमाण चालीसाचे पठण करताना दिसत आहेत. दरम्यान या व्हिडीओवर वेगवेगळ्या प्रतिक्रिया नेटकरी देत आहेत.

महाराष्ट्रात काही दिवसांपूर्वी हनुमान चालीस पठण करण्यावरून बराच गदारोळ झाला होता. दरम्यान गुरूग्राम मधील या कॅफेबाहेर हे तरुण छानपैकी मैफिल जमवून हनुमान चालीसा गात आहेत. इतकेच नाही तर आजूबाजूला जमलेले गर्दी देखील या तरुणांना साथ देताना दिसत आहे. जमलेल्या लोकांपैकीच काहींनी याच व्हिडीओ बनवला आहे, जो सध्या व्हायरल होत आहे.

मात्र हा व्हिडीओ पाहून हे तरूण कोण आहेत याबद्दल काहीच माहिती मिळत नाही. हे सगळे विद्यार्थी आहेत की नोकरी करतात याबद्दल कुठलीही माहिती उपलब्ध नाहीये. मात्र या व्हिडीओवर नेटकरी मोठ्या प्रमाणात रिअॅक्ट होत आहेत.