भारतीय सैनिक समोर उभा राहिला तर आपला उर अभिमानाने भरून येतो. भारतीय सैनिक आपला जीव धोक्यात घालून सीमेचं रक्षण करत असतात तर त्यांच्यामुळे आपण इकडे सुखात राहू शकतो. पण त्यांच्यावर काय परिस्थिती येते याबद्दल आपल्याला माहिती आहे का? सध्या एका सैनिकाचा व्हिडिओ व्हायरल होत आहे.

हेही वाचा - क्रेडिट कार्ड वापरताय...मग या गोष्टी माहिती हव्याच....

दरड कोसळून किंवा बर्फाखाली अडकून अनेक सैनिक जखमी झाल्याच्या घटना आपण पाहिल्या असतील. पण सध्या व्हायरल होत असलेल्या व्हिडिओमध्ये एक सैनिक तब्बल कंबरे एवढ्या बर्फामध्ये चालताना दिसत आहे. तो बर्फामध्ये अडकला असतानाही पुढे जाण्याचा प्रयत्न करतोय. हा व्हिडिओ पाहून आपणही थक्क व्हाल.

दरम्यान, भारतीय सैनिकांना कशा अवस्थेत राहावं लागतं ते या व्हिडिओमधून समोर आलं आहे. तर या व्हिडिओवर अनेकांनी आपल्या प्रतिक्रिया व्यक्त केल्या असून सैनिकांच्या अशा अवस्थेत काम करण्याला सलाम ठोकला आहे. हा व्हिडिओ सध्या सोशल मीडियात व्हायरल होत असून अनेक नेटकऱ्यांनी या व्हिडिओला लाईक केलं आहे.