Viral Video : आई आपल्या पिल्लांसाठी काहीही करते, असे म्हणतात. असाच एक व्हिडीओ व्हायरल झाला आहे. आपल्या पिल्लांना वाचवण्यासाठी आईने मृत्यूशी झुंज दिली आहे. व्हायरल व्हिडिओमध्ये एक आई आपल्या पिल्लाचे संरक्षण कसे करते हे पाहता येईल.

व्हायरल झालेल्या या व्हिडिओमध्ये एक जिराफ आपल्या पिल्लासोबत उभे असल्याचे दिसत आहे. जिराफासमोर एक तरस (Hyenas) देखील उभे आहे. जिराफच्या मुलावर हल्ला करून त्याला आपला बळी बनवण्याच्या हव्यासात तो असतो. मात्र मादी जिराफ आपल्या बाळाला सुरक्षित ठेवण्यासाठी शक्य ते सर्व प्रयत्न करते.

तरस वारंवार जिराफाच्या बाळावर हल्ला करण्याचा प्रयत्न करते परंतु मादी जिराफ आपल्या बाळासाठी ढाल बनून उभी राहते आणि तरसाला दूर पळवून लावते. हा व्हिडिओ ट्विटरवर @Gabriele_Corno नावाच्या युजरने शेअर केला आहे आणि व्हिडिओ शेअर केल्यानंतर तो सोशल मीडियावर मोठ्या प्रमाणात व्हायरल झाला आहे.

हा व्हिडीओ 5 लाख लोकांनी पाहिला आहे आणि 9 हजार लोकांनी त्याला लाईक केले आहे. व्हिडीओ पाहिल्यानंतर अनेकांनी त्यावर कमेंट करून आपल्या प्रतिक्रियाही दिल्या आहेत.

एका यूजरने कमेंटमध्ये म्हटलं की, मी अनेकदा पाहिलं आहे की जिराफांना जेव्हाही त्यांची पिल्ले संकटात असल्याचे वाटते. तेव्हा ते खूप आक्रमक होतात. एका नेटकऱ्याने लिहले की, आई नेहमी आपल्या मुलाचे गर्भाशयाच्या आत आणि बाहेर संरक्षण करते.