Mouse Stole A Diamond Necklace For Mice Viral Video : फेब्रुवारी महिना सुरु झाला की, प्रेमवीरांना सगळं काही गुलाबी गुलाबी दिसायला लागतं. मग आता तर काय व्हॅलेंटाइन विक सुरु झाला आहे. अशात सगळ्यांच गर्लफ्रेंडला काय गिफ्ट द्यायचं याविषयीचं प्लॅनिंग सुरु झालंच असेल. कुठे जायचं, कसा साजरा करायचा, कसं तयार व्हायचं आणि काय गिफ्ट द्यायचं अशा सगळ्याचेच विचार जोरात असतील.

मग गर्लफ्रेंड फक्त तुमची आमचीच असते का? अहो प्रत्येकच बॉयफ्रेंडला गर्लफ्रेंडसाठी काय गिफ्ट घ्यावं याचं टेंशन येतच की. सगळ्यात बेस्ट गिफ्ट द्यावं असं सगळ्यांनाच वाटतं. त्यातूनच एका उंदराने चक्क हिऱ्यांच्या हाराची चोरी केली...! हो, तुम्ही बरोबरच वाचलंत. उंदराने म्हणे उंदरीणीला व्हॅलेनटाइन गिफ्ट देण्यासाठी सराफ दुकानातून हिऱ्यांच्या हाराची चोरी केली. या विषयीचा व्हिडीओ सध्या मोठ्या प्रमाणात व्हायरल होत आहे.

खाण्याच्या वस्तू उंदीर पळवून नेतात हे आपल्या सर्वांनाच माहीत आहे. आणि काही अंशी ते पटण्यासारखंही आहेच. पण हिऱ्याचा हार का बरं उंदराने पळवला असेल असाच व्हिडीओ बघणाऱ्या प्रत्येकाला पडला. त्यावर काही नेटकऱ्यांनी म्हटलंय उंदरीणीसाठी व्हॅलेंटाइन गिफ्ट म्हणून चोरला असावा. तर काही म्हणताय आता आम्हाला पण उंदीर पाळावे लागतील, उंदरीण फारच डिमांडींग आहे.