महाराष्ट्र मार्ग पहिवहन महामंडळाच्या ताफ्यात काही दिवसांपूर्वी इलेक्ट्रिक बस दाखल झाली आहे. ही बस मंडळाच्या ताफ्यात दाखल झाल्यापासून अनेकांचे या बसने प्रवास करण्याचे स्वप्न असेल. ही एसी बस पूर्णपणे इलेक्ट्रिक असून या बसमुळे कोणत्याही प्रकारचे प्रदूषण होत नाही. या बसचा एक व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये आपल्याला शिवाई बसची एक झलक पाहायला मिळत आहे. महाराष्ट्र मार्ग पहिवहन महामंडळाकडे असलेली ही एकमेव एसी बस आहे जी पूर्णपणे इलेक्ट्रिक आहे. या बसने प्रवास करणे म्हणजे एक प्रकारचा स्वर्गानुभवच म्हणावा लागेल. सध्या या व्हिडिओला अनेकांकडून चांगला प्रतिसाद मिळत आहे.

दरम्यान, इंस्टाग्रामवर शेअर करण्यात आलेल्या व्हिडिओला ८० हजारांपेक्षा जास्त लोकांनी लाईक केलं असून त्यावर आपल्या प्रतिक्रिया व्यक्त केल्या आहेत. तर महामंडळाच्या गाडीने प्रवास करणे हा सर्वांत सुखदायी आणि सुरक्षित प्रवास असतो अशाही कमेंट नेटकऱ्यांनी केल्या आहेत.