Nagpur Police: नागपूर पोलिसांचा एक व्हिडीओ व्हायरल झाला आहे. स्वातंत्र्य दिनानिमित्त ठाण्याच्या आवारात पोलिस कर्मचारी थिरकले. खाईके पान बनारसवाला.. या गाण्यावर महिला कर्मचाऱ्यांनीही डान्स केला.

नागपूरात पोलीस स्टेशनमधील डान्सचा व्हीडीओ सोशल मिडियावर जोरदार व्हायरल होत आहे. एरवी कायदा-सुव्यवस्था सांभाळताना ताण-तणाव सांभाळत गुन्हेगारांच्या अवती-भोवती असणाऱ्या पोलिसांच्या चेहऱ्यावर स्वातंत्र्यदिनाचा आनंद दिसून आला.

नागपुरातील तहसील पोलीस स्टेशनच्या परिसरातला हा व्हिडीओ आहे. यात दोन महिला पोलीस कॉन्स्टेबल आणि एक पोलीस कर्मचारी डान्स करताना दिसत आहेत. १५ ॲागस्टच्या दिवशीचा व्हिडीओ असल्याचं दिसून येतंय.

सोशल मीडियावर हा डान्सचा व्हिडिओ जोरदार व्हायरल होताना दिसून येत आहे. डान्सनंतर सर्वांनी भारत माता की जय.. असा नारा दिला. पोलिसांचा हा अंदाज बघून बघणाऱ्यांना कुतूहल निर्माण होत आहे.