आपण कधी जंगल सफारीला गेला आहात का? गेला असाल तर तुम्हाला असा अनुभव अला नसेल. कारण जंगल सफारी करताना खूप कमी वेळा आपल्याला जंगलातील प्राणी दिसतात. त्यातंच वाघ, सिंहासारखे प्राणी पाहायला मिळणे म्हणजे नशीबच. पण कधीकधी हे प्राणी आक्रमक होऊन गाडीवर हल्ला करत असतात.

हेही वाचा - Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?

जंगली गेंड्याने पर्यटकांच्या गाडीवर हल्ला केल्याची घटना घडली असून या प्रकरणाचा व्हिडिओ सध्या सोशल मीडियावर व्हायरल होत आहे. या व्हिडिओमध्ये एक गेंडा पर्यटकांच्या गाडीमागे वेगाने धावताना दिसत आहे. तर यानंतर गाडीतील पर्यटक घाबरून आरडाओरडा करताना दिसत आहेत.

दरम्यान, गेंडा खूप लांब जाईपर्यंत त्यांचा पाठलाग केला आहे. आक्रमक गेंडा पाहून पर्यटक अक्षरश: घाबरून गेले आहेत. तर जंगल सफारीसाठी जाण्यावेळी आपण काळजी घेतली पाहिजे. जंगली प्राण्यांना आपल्यापासून कोणताही त्रास होणार नाही याची दक्षता घ्यावी कारण त्रास दिल्यानंतर जंगली प्राणी आक्रमक होत असतात.