सुट्टीच्या दिवशी एका कंपनीतल्या कर्मचारी आणि बॉसमध्ये भांडणे झाल्याचं समोर आलं आहे. या दोघांमधील चॅटिंग सोशल मीडियावर व्हायरल झाली असून त्यावर नेटकऱ्यांनी भन्नाट प्रतिक्रिया व्यक्त केल्या आहेत. सदर बॉस कर्मचाऱ्याला रविवारी कामावर बोलवत होता. त्यावरून हा वाद वाढत गेल्याचं व्हायरल झालेल्या चॅटिंगवरून दिसत आहे.

दरम्यान, एक बॉस कर्मचाऱ्याला चॅटिंग करताना म्हणतो की, "उद्या तुला काही कारणास्तव सकाळच्या शिफ्टला कामावर यावे लागेल. सकाळी सव्वासहाच्या दरम्यान तू इथे असायला हवा." त्यावर कर्मचारी म्हणतो की, "उद्या माझी आठवड्यातील एकमेव सुट्टी आहे. यादिवशी मी कामावर येऊ शकणार नाही, दुसऱ्या कर्मचाऱ्याला विचारा"

कर्मचाऱ्याच्या या उत्तरावर बॉस म्हणाला की, "दुसऱ्यांचे लग्न झालेले आहेत त्यांना मुले आहेत, तू सिंगल आहेस तू उद्या कामावर हजर रहा." त्यानंतर दोघांमधला वाद वाढला. मी प्रामाणिक कामगार आहे, मी तुमचा आदर करतो, तुम्हाला माहितीये मी हार्ड वर्कर आहे, आपण अनेक दिवसांपासून एकत्र काम करत आहोत.

तुम्ही मला मागच्या चार वर्षापासून चांगलंच ओळखता असं म्हणत कर्मचाऱ्याने वाद वाढवला आणि नंतर त्याला बॉसचे बोलणे सहन झाले नाही म्हणून तो म्हणाला की, "आता माझा नोटीस पिरेड सुरू झाला असं समजा." असं त्याने रागारागात त्याच्या बॉसला लिहिलं अन् चॅटिंग संपवली.

या दोघांमधील चॅटिंगचा स्क्रीनशॉट सोशल मीडियावर व्हायरल झाला असून नेटकऱ्यांनी या व्हिडिओवर मजेशीर कमेंट केल्या आहेत. तर हा फोटो सोशल मीडियावर अनेकांकडून शेअर केला जात आहे.