"जैसे ज्याचे कर्म तैसे फळ देतो रे ईश्वर" हे भक्तीगीत आपण अनेकदा ऐकलं असेल. आपण वाईट वागलो तर आपल्याला त्याचे फळ मिळतेच, त्यामुळे वाईट कृत्य करायचं नाही, सर्वांशी नीट वागायचं हे आपल्याला लहानपणापासून शिकवलेलं असते. सध्या असाच एक व्हिडिओ सोशल मीडियावर व्हायरल झाला असून त्यामध्ये एक अपघात झाल्याचं आपल्याला दिसत आहे.

व्हायरल होत असलेला व्हिडिओ हा सीसीटीव्ही कॅमेऱ्यातील असून त्यामध्ये दोन चोर दुचाकीवरून येतात आणि रस्त्याने जात असलेल्या काही लोकांना अडवतात. त्यानंतर ते चाकू किंवा बंदुकीचा धाक दाखवून त्यांच्याकडून मौल्यवान वस्तू चोरतात आणि लगेच निघून जातात.

पण जात असताना पाठीमागून येत असलेली गाडी दुचाकीला धडक देते आणि त्यामध्ये दोन चोर उडून खाली पडतात. त्यामध्ये त्यांचा मृत्यू झाल्याचं सांगण्यात येत आहे. तर त्यांच्या कृत्याचे फळ त्यांना लगेच मिळाले आहे.

दरम्यान, हा व्हिडिओ सोशल मीडियावर चांगलाच व्हायरल झाला असून त्यावर अनेकांनी आपल्या प्रतिक्रिया व्यक्त केल्या आहेत. या चोरांना आपल्या कृत्याचं चांगलच फळ मिळालं अशी कमेंट नेटकऱ्यांनी केल्या असून अनेकांनी हा व्हिडिओ शेअर केला आहे.