काही लोकं खूप भांडखोर असतात. त्यांना भांडण करायला फक्त छोट कारण पुरेसं असतं. तर अनेकजण एखाद्याकडून चुकी झाली तरी मोठ्या मनाने माफ करतात. सध्या दोन भांडखोर म्हाताऱ्यांचा व्हिडिओ सोशल मीडियावर व्हायरल झाला आहे. यामध्ये त्यांची फ्री स्टाईल हाणामारी चाललेली दिसत आहे.

व्हायरल होत असलेला व्हिडिओ छत्रपती संभाजीनगर येथील असल्याचं सांगण्यात येत आहे. तर ही घटना सीसीटीव्ही कॅमेऱ्यात कैद झाली आहे. यामध्ये एका दुचाकीला दुसऱ्या दुचाकीचा धक्का लागतो आणि त्यातून त्यांच्यामध्ये वाद निर्माण होतात. या वादाचे रूपांतर नंतर हाणामारीमध्ये होते. दोघेही एकमेकांना लाथाबुक्क्यानी मारहाण करतात.

दरम्यान, त्यांनी एकमेकांचे पाय ओढून जबर मारहाण केली आहे. तर ही घटना गल्लीमध्ये घडल्यामुळे इथे कुणी व्यक्तीही दिसत नाही. त्यांच्या भांडणामध्ये मध्यस्थी करण्यासाठी कुणीही आलेलं दिसत नाही. सोशल मीडियावर व्हायरल झाल्यानंतर लोकांनी या व्हिडिओवर मजेशीर कमेंट केल्या आहेत. "या म्हाताऱ्या व्यक्तींच्या वयावर जाऊ नका त्यांच्यामध्ये अजूनही भांडण करण्याची उर्मी आहे." अशा कमेंट नेटकऱ्यांनी केल्या आहेत.