Viral Video Chitrakot Waterfall Girl Attempt : देशभरामध्ये सध्या पावसानं हाहाकार केला आहे.त्यामुळे अनेकजण विस्थापित झाले आहे. उत्तर भारतात पावसानं केलेलं तांडव काळजाचा थरकाप उडवणारं आहे. दुसरीकडे गेल्या दोन दिवसांपासून महाराष्ट्रामध्ये देखील पावसानं परिस्थिती गंभीर केली आहे. कोल्हापूर, सिंधुदूर्ग, रायगड, सातारा, या जिल्ह्यांमध्ये पावसानं नागरिकांची तारांबळ उडाली आहे.

सोशल मीडियावर पावसाचे व्हायरल झालेले व्हिडिओ लक्ष वेधून घेत आहेत. त्यातच एका व्हिडिओनं खळबळ उडवून दिली आहे. त्या व्हिडिओमध्ये दिसणाऱ्या मुलीनं शंभर फुट धबधब्यात उडी मारली आहे. तो व्हिडिओ पाहून अनेकांना मोठा धक्काच बसला आहे. चित्रकोट मधील त्या व्हिडिओनं नेटकऱ्यांना प्रश्न पडला आहे की, तिनं हे कृत्य का केले.. सुत्रांनी दिलेल्या माहितीनुसार ती तरुणी या प्रसंगातून सुखरुप बचावली आहे.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

गेल्या काही वर्षांपासून चित्रकोटमधील तो धबधबा हा अपघाताचे केंद्र होताना दिसतो आहे. अनेक जीवघेण्या घटना याठिकाणी घडल्या आहेत. त्यामुळे स्थानिक पोलिसांचा बंदोबस्तही येथे असतो. हजारो पर्यटकांची गर्दी हा धबधबा पाहण्यासाठी होत असते. बाहेरच्या राज्यातून देखील पर्यटक मोठ्या संख्येनं चित्रकोटला भेट देतात.

हाती आलेल्या माहितीनुसार, त्या मुलीला मोबाईल फोन न दिल्यानं तिनं हे टोकाचे पाऊल उचलल्याची माहिती आहे.तिला सेल्फी काढण्यासाठी फोन हवा होता. तिला तो न दिल्यानं तिनं रागात हे कृत्य केल्याचे सांगितले जात आहे. पर्यटकांनी याठिकाणी आणखी बंदोबस्त वाढविण्याची मागणी स्थानिक पोलिसांकडे केली आहे.