Deaf and Mute couple sells pani puri at Nashik : सध्या इंटरनेटच्या व्हायरल जाळ्यात अनेक व्हीडिओ बघायला मिळत असतात. पण सध्या असा एक व्हीडिओ व्हायरल होत आहे ज्यामुळे तुमच्याही डोळ्यात चमक येईल.

परिस्थिती कोणावर कशी येईल हे आपल्या हातात नसते, पण त्याला कसे सामोरं जायचं हे मात्र नक्की आपल्या हातात असतं. याचं उत्तम उदाहरण म्हणजे हा ठेल्यावर मुक-बधीर जोडप्याचा पाणीपूरी विकतानाचा व्हीडिओ आहे. स्ट्रीट फूड रेसिपी या इंस्टाग्राम अकाउंटवर हा व्हीडिओ आहे. ज्याला ३० लाख लोकांनी बघितला आहे.

हे मुक-बधीर जोडपं आपल्या सांकेतिक भाषेत ग्राहकांशी बोलतात. उत्साही चेहरा, स्पष्ट देहबोली यामुळे त्यांचा संवाद ग्राहकांसोबत व्हीड्ओ बघणाऱ्या सगळ्यांच्या हृदयाचा ठाव घेत आहे. आपण कष्टाने पण आनंदाने हा व्यावसाय करत असल्याचं हे दांपत्य सांगत आहे. स्वच्छता, चव, सादरीकरण जपत ते हा व्यवसाय करत आहेत.