मुंबई: अत्यंत निराशाजनक बजेट, केवळ शब्दप्रयोगांचा वापर, देशवासीयांचे फसवणूक करणारे बजेट (Budget 2022) असाच याचा उल्लेख करावा लागेल असा हल्लाबोल शिवसेनेचे खासदार विनायक राऊत (Vinayak Raut)यांनी केला. केंद्रीय अर्थमंत्री निर्मला सीतारामन (Nirmala Sitaraman)यांनी देशाचा अर्थसंकल्प सादर केल्यानंतर खासदार राऊत यांनी प्रतिक्रिया दिली.

कोरोना (Corona) कालावधीनंतर भारतवासीयांनी एक लाख 40 हजार करोड इतकी जीएसटीची रक्कम जमा करून सुद्धा यासंदर्भात ज्या योजना राबवायला होत्या त्या कोणत्याही योजना या बजेटमध्ये दिसल्या नाहीत. गतीशक्ती, ड्रोनशक्ती, आत्मनिर्भर भारत (India) या फक्त शब्दांचा वापर वेगवेगळ्या पद्धतीने करून जुन्या योजना नव्याने पुन्हा सुरू करण्यात आल्या आहेत.

५ मिलियन डॉलर्सची अर्थव्यवस्था निर्माण करण्याचे,देशाला प्रगतीपथावर नेण्याचे धोरण पंतप्रधान नरेंद्र मोदी (Narendra Modi)यांनी ठेवले होते. या संदर्भात कोणताही उल्लेख या बजेटमध्ये झाला नाही. त्यामुळे या बजेटमध्ये देशवासीयांची फसवणूक झाली आहे.असा आरोप विनायक राऊत यांनी केला.