Dhule News : पनाखेड भागातील नागरिकांना सर्व सुविधा मिळवून देण्यासाठी व गावाच्या विकासासाठी जी काही कामे असतील व्यक्तिगत असो किंवा सार्वजनिक कामे आपण सगळे मिळून गावाचा विकास करू.

गरिबांसाठी जी व्यक्तिगत कल्याणकारी योजना आहे ती आपण त्यांच्यापर्यंत पोचवू, पनाखेड गावाच्या विकासकामासाठी दोन लाख रुपये मंजूर केले आहेत. (Bhoomipujan of building construction worth 95 lakhs to Panakhed dhule news)

गावाचा विकास करण्यासाठी प्रशासन कटिबद्ध आहे, असे प्रतिपादन आमदार काशीराम पावरा यांनी केले. पनाखेड (ता. शिरपूर) येथील प्राथमिक आरोग्य उपकेंद्राच्या ९५ लाख रुपयांच्या इमारत बांधकामाचे भूमिपूजन मान्यवरांच्या उपस्थितीत झाले.

काही वर्षांपासून या भागातील नागरिकांची आरोग्य उपकेंद्र नवीन इमारत उभारणीची मागणी होती. ती यानिमित्त पूर्ण होत आहे.

या वेळी उपस्थित माजी जिल्हा परिषद आध्यक्ष देवेंद्र पाटील, जिल्हा परिषद समाजकल्याण सभापती कैलास पावरा, जिल्हा परिषद सदस्य योगेश बादल, माजी समाजकल्याण सभापती वसंत पावरा, पंचायत समिती सदस्या प्रभाबाई कोकणी, पंचायत समिती सदस्य बालकिसन पावरा, सामाजिक कार्यक्रर्ता जयवंत पाडवी यांची उपस्थिती होती.

पनाखेड येथील प्राथमिक आरोग्य उपकेंद्राची इमारत जीर्ण झाली होती. याच इमारतीत रुग्णांवर औषधोपचार केले जात होते. त्यामुळे त्यांच्या जिवाला धोका होण्याची शक्यता नाकारता येत नाही.

दरम्यान, या प्राथमिक आरोग्य उपकेंद्रांतर्गत खैरखुटी, जामन्यापाडा, कुंजीपाडा, शेकड्यापाडा, दोंदवाडीपाडाचा समावेश आहे. या आरोग्य केंद्राच्या इमारत व छताची अवस्था फारच नाजूक होती. ठिकठिकाणी पाण्याची गळती सतत सुरू होती.

त्यामुळे केव्हाही धोका निर्माण होण्याची शक्यता नाकारता येत नाही. जिल्हा आरोग्य विभागाने नवीन इमारत बांधकामाला तत्काळ मजुरी द्यावी, अशी मागणी नागरिकांनी केली होती.

त्या मागणीची दखल घेत येथील जिल्हा परिषद सदस्य योगेश बादल यांनी माजी मंत्री अमरिशभाई पटेल, भूपेशभाई पटेल, आमदार काशीराम पावरा यांच्याकडे पाठपुरावा केला.

नवीन मुख्य इमारत, निवासस्थान, आवारभिंत बांधकामासाठी जिल्हा परिषदेकडून ९५ लाख रुपयांचा निधी माजी मंत्री अमरिशभाई पटेल.

भूपेशभाई पटेल, यांच्या प्रयत्नाने मंजूर झाल्याने इमारत बांधकामाचे भूमिपूजन माजी जिल्हा परिषद अध्यश देवेंद्र पाटील यांच्यासह या भागातील नागरिक, कार्यकर्ते, प्रशासनातील अधिकारी, कर्मचारी यांच्या उपस्थितीत झाले.

या वेळी गावातील सरपंच करवटीबाई पावरा, उपसरपंच वनसिंग पावरा, पोलिसपाटील दिनेश पावरा, माजी पोलिसपाटील शिवदास भिल.

सामाजिक कार्यकर्ता खुमसिंग पावरा, मेरसिंग पावरा, सखाराम भिल, समुदाय आरोग्य अधिकारी निखिल दिवे, आरोग्यसेविका एम. एम. आखडमल, आरोग्यसेवक राजेंद्र सुरळकर यांची उपस्थिती होती. भिका चारण यांनी सूत्रसंचालन केले.