धुळे : मुख्यमंत्री ग्रामसडक योजनेतून तीन रस्त्यांचे भाग्य उजळणार आहे. त्यासाठी खासदार डॉ. सुभाष भामरे यांनी पाठपुराव्यातून धुळे तालुक्यातील संबंधित रस्त्यांसाठी ३० कोटींचा निधी मंजुरीतून मिळविला आहे. (by Gram Sadak Yojana for road construction 30 crore fund approved dhule news)

मुख्यमंत्री ग्रामसडक योजनेंतर्गत निमगूळ ते बाबरे (११.५ किलोमीटर), नंदाळे खुर्द ते भिरडाणे ते चिंचखेडा-बाबरे (२०.४२ किलोमीटर) आणि चिंचवार ते सैताळे (३.४५ किलोमीटर) या तीन रस्त्यांची कामे होतील.

हेही वाचा : प्राप्तिकर उत्पन्न सवलत मर्यादा वाढणार?

त्यासाठी खासदारांच्या पाठपुराव्याअंती राज्यातील भाजप युती सरकारने ३० कोटींचा निधी दिला आहे. धुळे तालुक्यातील विविध गावांना महामार्गाशी थेट जोडणारे रस्ते चांगले, दर्जेदार तयार व्हावेत यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस, पालकमंत्री गिरीश महाजन यांच्याकडे खासदार डॉ. भामरे यांनी पाठपुरावा केला.