धुळे : गुरुवारी ( ता. २६) मुसळधार पाऊस झाल्यानंतर फागणे (ता.धुळे) ते अमळनेर महामार्गावरील धांदरणे नाल्यावरील जमीन रात्री दोनच्या सुमारास आलेल्या पूरात वाहून गेली. यामुळे महामार्गावरील वाहतुक अजंग अंबोडे आणि वरखेडी वणी मार्गे वळविण्यात आली आहे.

बांधकाम सुरू असलेल्या या पुलाला पाईप टाकलेले नव्हते. याच्या बाजूला एका मोठ्या पुलाचे काम देखील सुरु आहे. सहा महिन्यांपासून या पूलाचे  काम रखडत आहे अशी माहिती वणीचे उपसरपंच चुडामन पाटील यांनी दिली.