नाशिक - स्वाइन फ्लूसदृश तापाने अलका दिगंबर शेवाळे (30, रा. कोहणे, ता. मालेगाव, जि. नाशिक) या महिलेचा मृत्यू झाला आहे. जिल्हा सरकारी रुग्णालयाच्या स्वाइन फ्लू विशेष कक्षामध्ये तिच्यावर गेल्या तीन दिवसांपासून उपचार सुरू होते. शेवाळे यांना मंगळवारी (ता. 25) उपचारासाठी दाखल करण्यात आले होते. त्यांच्यावर उपचार सुरू असतानाच त्यांचे स्वॅबचे नमुने प्रयोगशाळेकडे पाठविण्यात आलेले होते. परंतु, त्याचा अहवाल प्राप्त झालेला नाही. याचदरम्यान आज दुपारी तीन वाजता त्यांचा मृत्यू झाला.