Dhule News : महाराष्ट्र शासनाचा सांस्कृतिक कार्य विभाग, सांस्कृतिक कार्य संचालनालय, मुंबई जिल्हा प्रशासन, धुळे यांच्यातर्फे आयोजित पाचदिवसीय महासंस्कृती महोत्सवाच्या दुसऱ्या दिवशी भरतनाट्यम, खानदेशी नृत्य, आपली मायबोली अहिराणी गीत, आयुष्यावर बोलू काही या कार्यक्रमांनी रंग चढविला. या कार्यक्रमांना धुळेकर रसिक प्रेक्षकांचाही उत्स्फूर्त प्रतिसाद लाभला.

कार्यक्रमास जिल्हाधिकारी अभिनव गोयल, जिल्हा परिषदेचे मुख्य कार्यकारी अधिकारी शुभम गुप्ता. (Dhule audience responded cultural program on second day of Mahasanskruti Mahotsav)

पोलिस अधीक्षक श्रीकांत धिवरे, सार्वजनिक बांधकाम विभागाचे अधीक्षक अभियंता विवेक नवले, अपर पोलिस अधीक्षक किशोर काळे, जिल्हा परिषदेचे अतिरिक्त मुख्य कार्यकारी अधिकारी चंद्रकांत पवार, निवासी उपजिल्हाधिकारी नितीन गावंडे.

जिल्हा पुरवठा अधिकारी महेश शेलार, उपजिल्हाधिकारी सीमा अहिरे, मनपा उपायुक्त संगीता नांदुरकर, तहसीलदार पंकज पवार यांच्यासह विविध विभागांचे अधिकारी व धुळेकर नागरिक उपस्थित होते. (latest marathi news)

श्री. बालन व सहकारी यांनी भरतांजली भरतनाट्यम नृत्य, जितू नगराळे, मुकेश तायडे, राहुल मंगळे, विकी माळीच, दीपक साळुंखे, आकाश वाघ, मयूर गुळवे, राज वाघ यांचा खानदेशी नृत्याविष्कार, एसव्हीकेएम स्कूल, धुळेच्या विद्यार्थ्यांचे महाराष्ट्राची संस्कृती नृत्य, महादेव बम बम भोले.., आदिवासी ठक्कर नृत्य.

वासुदेव नृत्य, खानदेश किंग ग्रुप बजरंग बॅण्ड, शिरपूरचे आबा चौधरी, धीरज चौधरी यांची आपली मायबोली खानदेशी अहिराणी गीते, तसेच युवा मनाचे स्पंदन टिपणारा, कविता व गीतांनी मनामनांत संवाद साधणारा डॉ. सलील कुलकणी, संदीप खरे व सहकाऱ्यांचा ‘आयुष्यावर बोलू काही’ या कार्यक्रमातील जरा चुकीचे, जरा बरोबर.

आयुष्यावर बोलू काही? अग्गोबाई, ढग्गोबाई लागली कळ..., मी हजार स्वप्नांचे..., नसतेस घरी तू जेव्हा.., दमलेल्या बाबांची कहाणी... आदी गीतांनी मैफलीत चांगलाच रंग भरला. उपस्थित रसिक प्रेक्षकांची या कार्यक्रमांना दिलखुलास दाद लाभली.