Dhule News : शहरातील वाहतुकीला अडथळा होईल, अशा पद्धतीने वर्तन करणाऱ्या नऊ रिक्षाचालकांवर शहर वाहतूक शाखेने शुक्रवारी (ता. २२) कारवाई केली. वाहतूक शाखेचे सहाय्यक पोलिस निरीक्षक भूषण कोते व पथकाने ही कारवाई केली. शहरात अलीकडेच स्कॅपमध्ये गेलेल्या रिक्षांविरुद्ध मोहीम उघडली गेली होती. त्यानंतर वाहतुकीची समस्या लक्षात घेता रिक्षाचालकांनी त्यांना नेमून दिलेल्या थांब्यावर आपल्या रिक्षा लावाव्यात, अशी सूचनाही वाहतूक शाखेने दिली होती. (Dhule city traffic department)

नेमून दिलेल्या रिक्षा थांब्यावर रिक्षा थांबल्यास वाहतुकीचे नियमन सुरळीतपणे होते. मात्र, याकडे दुर्लक्ष करत बेशिस्त पद्धतीने वाहन उभे करणाऱ्या नऊ रिक्षाचालकांवर शुक्रवारी दंडात्मक कारवाई केली. कराचीवाला खुंट.

बसस्थानक आणि संतोषीमाता चौकात ही कारवाई झाली. रिक्षाचालकांना प्रत्येकी पाचशे रुपयांचा दंड आकारला. (latest marathi news)

पोलिस अधीक्षक श्रीकांत धिवरे, अपर पोलिस अधीक्षक किशोर काळे, पोलिस उपअधीक्षक एस. हृषीकेश रेड्डी यांच्या मार्गदर्शनाखाली शहर वाहतूक शाखेचे सहाय्यक पोलिस निरीक्षक कोते.

सुनील इनमुलवार, जितेंद्र आखाडे, भागवत पाटील, राजेंद्र पवार, ज्ञानेश्वर देसले, विवेक वाघमोडे, दीपिका वाघमोडे आदींनी ही कारवाई केली.