Dhule Crime : देवपूरमधील सत्संग कॉलनीत चोरट्यांनी भरदिवसा शिक्षक दांपत्याकडे धाडसी घरफोडी केली. सुमारे तीन लाखांची रोकड व दहा तोळे दागिने लंपास केले. ही घटना सोमवारी (ता. १५) उघडकीस आली. (Dhule Crime burglary of teacher couple)
देवपूरमधील संजय पांडुरंग पाटील (रा. प्लॉट क्रमांक ८०, श्रमसाफल्य बंगला, गोंदूर विमानतळ रोडलगत, सत्संग कॉलनी) हे बाबुळवाडी (ता. धुळे) येथे शिक्षक आहेत. त्यांच्या पत्नी मोराणे (ता. धुळे) येथे शिक्षिका आहेत. संजय पाटील १३ जुलैला सायंकाळी सहाच्या सुमारास कामानिमित्त बाहेरगावी गेले. त्यांच्याशेजारी भाडेकरूदेखील बाहेरगावी होते. त्यामुळे दोन्ही घरे बंदची संधी साधत चोरट्यांनी रविवारी (ता. १४) भरदिवसा शिक्षक पाटील यांच्या घराचा कडीकोयंडा तोडून धाडसी चोरी केली.
सोमवारी (ता. १५) सकाळी भाडेकरू गावाहून घरी परतले असता त्यांना घरमालक शिक्षक पाटील यांच्या घराचा कडीकोयंडा तुटलेला दिसला. त्यांनी परिसरातील लोकांना बोलावून पाहिले असता घरात कपाटातील साहित्य अस्ताव्यस्त निदर्शनास आले. तसेच घरातील दोन्ही कपाटे व लॉकरदेखील तुटलेल्या अवस्थेत दिसून आले. (latest marathi news)
भाडकरूने याबाबत घरमालक पाटील यांना तत्काळ फोन करून कळविले. पाटील यांनी घरी आल्यावर देवपूर पोलिसांना घटनेची माहिती दिली. त्यानुसार देवपूरचे पोलिस निरीक्षक धनंजय पाटील, विनोद खरात, धनंजय मोरे, प्रशांत माळे, मनोज ब्राह्मणे, प्रकाश भावसार घटनास्थळी दाखल झाले.
श्वान पथकासह ठसेतज्ज्ञांना पाचारण केले. शिक्षक पाटील यांनी घरातील कपाटातून तीन लाखांवर रोकड व किमती दागिने चोरीस गेल्याचे पोलिसांना सांगितले. पोलिसांनी परिसरातील सीसीटीव्हीची तपासणी केली असता चोरटे कैद झाल्याचे आढळले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.