Dhule Crime : शिरपूर बायपास रस्त्यावरील बंगल्यात सुरू असलेला जुगाराचा अड्डा नाशिक परिक्षेत्राचे विशेष पोलिस महानिरीक्षक दत्तात्रय कराळे यांच्या पथकाने उद्‍ध्वस्त केला. १४ जुलैला रात्री साडेदहाला केलेल्या या कारवाईत ३१ जुगाऱ्यांना ताब्यात घेण्यात आले. घटनास्थळावरून सव्वादोन लाख रुपयांची रोकड, १५ दुचाकी व इतर असा एकूण १० लाख ३१ हजारांचा मुद्देमाल जप्त करण्यात आला. (Dhule Crime Raid by special team of IG in Shirpur)

शिरपूर बायपास रस्त्यावर नवजीवन किराणा दुकानामागे एका बंगल्यातील पत्र्याच्या शेडमध्ये जुगार खेळविण्यात येत असल्याची माहिती विशेष पोलिस महानिरीक्षक दत्तात्रय कराळे यांना मिळाली होती. त्यांच्या आदेशावरून पथकाने छापा टाकला.

बाबूराव खैरनार यांच्या मालकीच्या बंदिस्त बंगल्यामधील पत्र्याच्या शेडमध्ये झन्नामन्ना जुगार खेळताना ३१ जण आढळले. त्यांच्याकडून दोन लाख ३० हजार रुपये रोख, १५ दुचाकी, चार मोबाईल व जुगाराचे साहित्य असा एकूण दहा लाख ३१ हजार ६०० रुपयांचा मुद्देमाल जप्त करण्यात आला. (latest marathi news)

संशयितांमध्ये उदय पाटील, योगेश शिंपी, अमोल माळी, अझीम बेग युनूस बेग, रंकेश गोडसे, सुनील खैरनार, किरण पारधी, मोहसीन मेहतर, कमलसिंह यादव, संजय पाटील, प्रवीण मराठे, बाबूराव खैरनार, संदीप पाटील, गणेश पाटील, दिलीप राजपूत, अभिषेक अहिरे, प्रवीण पाटील, गणेश धाकड, समाधान पाटील, आकाश चौधरी, मनीष पाटील, सुनील बोडसे, शोकीन कुवर, महेश कोळी, रवींद्र भोई, अतुल पाटील, रवींद्र पावरा, सनी पाटील, रवींद्र साळवे यांचा समावेश आहे. पोलिस नाईक प्रमोद मंडलिक यांच्या फिर्यादीवरून संशयितांविरोधात शहर पोलिसांत गुन्हा दाखल करण्यात आला.