Dhule News : शहरातील वाडीभोकर रोडवरील सर्व्हे नंबर ४१-९३/ब शिवाजीनगर येथील उद्यानात माजी महापौर प्रतिभा चौधरी यांच्या हस्ते पेव्हर ब्लॉक बसविण्याच्या कामाचा गुरुवारी (ता. २२) सायंकाळी सातला प्रारंभ झाला. श्रीमती चौधरी यांच्या कार्यकाळात महापौर निधीतून या कामासाठी पाच लाख रुपये मंजूर झाले.

या कामासाठी परिसरातील नागरिकांनी निवेदनाद्वारे माजी महापौर श्रीमती चौधरी यांच्याकडे मागणी केली होती.(Paver Block in Shivaji Nagar Udyan)

उद्यान तयार झाले असून, त्यात भगवान महादेवाचे मंदिरही उभारण्यात आले आहे. येथे पेव्हर ब्लॉक नसल्याने नागरिकांची गैरसोय होत होती. यामुळे नागरिकांच्या मागणीनुसार श्रीमती चौधरी यांनी पेव्हर ब्लॉकसाठी निधी उपलब्ध करून दिला.

या कामाच्या प्रारंभप्रसंगी अरुणा पाटील, सीमा पाटील, रजनी अमृतकर, हर्षिता अमृतकर, ज्योत्स्ना प्रकाश पाटील, ऊर्मीला फुलपगारे, ज्योत्स्ना संदीप पाटील, लता पाटील, देवकृष्ण कुलकर्णी, पंढरीनाथ नेरकर, डॉ. सचिन आसोदेकर, रोशन धामणे, श्रीराम चौधरी, संदीप पाटील यांच्यासह परिसरातील नागरिक उपस्थित होते.