तळोदा (नंदुरबार) : नागरिकांना वृक्षलागवड व वृक्षसंवर्धनाचे महत्त्व पटावे, यासाठी यंदाही १५ जून ते ३० सप्टेंबरदरम्यान वनमहोत्सव (international environment day) प्रभावीपणे राबविण्याचा निर्णय शासनाने घेतला असून, याबाबतचे आदेश महसूल व वन विभागाचे मुख्य वनसंरक्षक (मंत्रालय) अरविंद आपटे यांनी काढले आहेत. त्यासाठी सर्वसामान्य शेतकरी, वृक्षप्रेमींना सवलतींच्या दरात रोपे उपलब्ध करून देण्याचा निर्णयही घेण्यात आला आहे. (nandurbar-international-environment-day-celebretion-van-mahotsav)

२०२१-२२ या आर्थिक वर्षाच्या वनमहोत्सवात रोपांचा पुरवठा सवलतीच्या दरात करण्यास शासनाने मान्यता दिली आहे. पावसाळ्यात १५ जून ते ३० सप्टेंबरदरम्यान सर्व शासकीय यंत्रणा, आस्थापना, निमशासकीय यंत्रणा व नागरिकांना वृक्षलागवड कार्यक्रमात सहभाग घेता यावा, यासाठी सवलतीच्या दरात रोपांचा पुरवठा करण्यात येणार आहे.

अगोदर करावी लागणार रोपांची मागणी

रोपनिर्मितीसाठी आर्थिक तरतूद नाही, अशा शासकीय यंत्रणांना वनमहोत्सवाच्या कालावधीत रोपांचा पुरवठा करण्यात येईल. मात्र, यासाठी त्यांनी लागणाऱ्या रोपांची आगाऊ मागणी उपवनसंरक्षक किंवा विभागीय वनाधिकारी, सामाजिक वनीकरण विभागाकडे पत्रकाद्वारे करावी, असे आदेशात म्हटले आहे.

रोप विक्रीचे दर

रोपांचे वर्गीकरण वनमहोत्सव सर्वसाधारण

९ महिन्यांचे १० रुपये २१ रुपये

१८ महिन्यांचे

(२०×३० सेमी) ४० रुपये ७१ रुपये

१८ महिन्यांचे

(२५×४० सेमी) ५० रुपये १०५ रुपये