देवळाली कॅम्प:  वेळ सकाळी दहाची....ठिकाण देवळाली स्टेशनलगत असलेले सैनिकी आरामगृहाचा आवारातील कचरा कुंडीत बेवारस बॅग आढळली.... एकच धावपळ, तारांबळ उडाली. श्वानपथक,लष्करी अधिकारी, पोलीस बॉम्ब शोधक पथकाच्या तासाभराच्या तपासनीनंतर अखेर हाती लागली ती कपड्यांची आणि कागदपत्रे असलेली बॅंग....सर्वांनी तपासणीच्या ही मोहिम डोळ्यासमवेत अऩुभवल्यानंतर सुटकेचा निश्वाःस सोडला..
 

   पोलीस आयुक्तालयात काल(lता.17)  निनावी पत्राद्वारे देवळाली रेल्वे स्टेशन बॉम्बने उडून देण्याची धमकी देणारे पत्र आल्याने पोलीस यंत्रणेची काल चांगलीच तारांबळ उडाली. दरम्यान देवळाली स्टेशनला लागुनच असलेल्या सैनिकी आरामगृहाच्या आवारात एक जवानाला कचऱ्यांच्या कुंडीत एक बेवारस बॅग आढळून आली. हि बाब वरिष्ठांना सांगितल्यानंतर सर्वांचेच धाबे दणाणून गेले. तत्काळ हा प्रकार रेल्वेचे प्रबंधक आर.एस.बागुल यांना कळविण्यात आल्यानंतर रेल्वे पोलीस,बॉम्बनाशक व श्वान पथक तातडीने घटनास्थळी दाखल झाले. अन सुरु झाली बॉम्ब शोधून त्याला नादूरूस्त करण्याची मोहीम. हि बातमी परिसरात पसरताच अनेकांनी रेल्वे स्टेशनवर गर्दी केली.

   बॉम्ब शोध पथकाचे पोलीस निरीक्षक विजय शिंदे,सहाय्यक पोलीस निरीक्षक अतुल ढाके यांच्या मार्गदर्शनाखाली पोलीस कर्मचारी बी.जी..पालवे यांनी साडेअकराच्या सुमारास मोहीम सुरु केली. श्वानपथक व आधुनिक यंत्राद्वारे व स्क्रीन वायरने या ब्यागेची तपासणी करण्यात आली. मात्र यात काहीच स्फोटक वस्तू नसल्याची खात्री झाल्यानंतर हि बॅग कचराकुंडीतून अलगद बाहेर काढण्यात आली. सहाय्यक पोलीस निरीक्षक संपतराव लोंढे यांच्या मार्गदर्शनाखाली पोलीस हवालदार कृष्णा चव्हाण,विशाल साळुंके,सुनील डावरे,गणपत मुठाळ व संजय बोराडे यांनी पंचनामा केला. या बॅगेत स्वेटर,कपडे,खाद्यपदार्थ व काही कागदपत्रे आढळून आले. अन उपस्थितांनी सुटकेचा श्वास सोडला.  घटनास्थळी खासदार हेमंत गोडसे,कॅन्तोंमेंट बोर्डाचे माजी अध्यक्ष तानाजी करंजकर,अनिल गोडसे यांनी भेट दिली.