जळगाव : येथून जवळच असलेल्या नशिराबाद गावाजवळ एकाच आठवड्यात सलग तिसरा भीषण अपघात झाला असून दोघांना प्राण गमवावा लागला आहे. रात्री एक वाजेच्या सुमारास झालेल्या प्रवासी रिक्षा आणि कारच्या धडकेत दोन ठार तर तीन जखमी झाले आहेत. 
शुक्रवारी रात्री 1 वाजेच्या सुमारास नशिराबादजवळील एका धाब्यावर जेवण करून काही मित्र रिक्षाने क्रमांक (एमएच.19.व्ही.7228) नशिराबादकडे जात होते. भुसावळकडून इनोव्हा कार ही जळगावकडे येत होती. नशिराबाद गावाजवळ दोघांची समोरासमोर धडक झाली असता रिक्षातील दोन जण जखमी झाले. मृतांची नावे जमील अहमद (वय28), शेख इम्रान (वय 29) अशी असून जखमींमध्ये फारुख अनिस, मुशरफ अली हुसेन अली, जमील शेख यांचा समावेश आहे. याप्रकरणी अद्याप नशिराबाद पोलिसात गुन्हा दाखल करण्यात आलेला नाही.