जळगाव : राज्य शासनाच्या जलसंपदा विभागातर्फे 17 ते 19 जानेवारी दरम्यान क्रीडा, कला, सांस्कृतिक अशा विविध कार्यक्रमांचे आयोजन मू. जे. महाविद्यालयातील एकलव्य क्रीडा संकुलात करण्यात आले आहे. जलसंपदा व लाभक्षेत्र विकासमंत्री जयंत पाटील यांच्या हस्ते सकाळी साडेनऊला कार्यक्रमाचे उद्‌घाटन होणार आहे. 
या कार्यक्रमास प्रमुख पाहुणे म्हणून राज्याचे पाणीपुरवठा व स्वच्छतामंत्री तथा जिल्ह्याचे पालकमंत्री गुलाबराव पाटील, जलसंपदा व लाभक्षेत्र विकास राज्यमंत्री ओमप्रकाश उर्फ बच्चू कडू, तापी पाटबंधारे विकास महामंडळाचे उपाध्यक्ष आमदार चिमणराव पाटील, जिल्हा परिषदेच्या अध्यक्षा रंजना पाटील, खासदार रक्षा खडसे, खासदार उन्मेष पाटील, आमदार स्मिता वाघ, आमदार चंदुलाल पटेल, गिरीश महाजन, सुरेश भोळे, संजय सावकारे, किशोर पाटील, शिरीष चौधरी, मंगेश चव्हाण, अनिल पाटील, चंद्रकांत पाटील, लताबाई सोनवणे, जलसंपदा विभागाचे प्रधान सचिव आय. एस. चहल, सचिव संजय घाणेकर, राजेंद्र पवार, मेरी नाशिकचे महासंचालक ना. व. शिंदे, कार्यकारी संचालक खलिल अन्सारी, विदर्भ पाटबंधारे विकास महामंडळाचे कार्यकारी संचालक अ. वा. सुर्वे (नागपूर), गोदावरी मराठवाडा पाटबंधारे विकास महामंडळ, औरंगाबादचे कार्यकारी संचालक अ. प्र. कोहिरकर, कोकण पाटबंधारे विकास महामंडळाचे कार्यकारी संचालक (अका) खलिल अन्सारी, जिल्हाधिकारी डॉ. अविनाश ढाकणे, जिल्हा पोलिस अधीक्षक डॉ. पंजाबराव उगले आदी मान्यवर उपस्थित राहणार आहेत, असे तापी पाटबंधारे विकास महामंडळाचे कार्यकारी संचालक संजय कुलकर्णी, जळगाव पाटबंधारे प्रकल्प मंडळाचे अधीक्षक अभियंता आनंदा मोरे, धुळे पाटबंधारे प्रकल्प मंडळाचे अधीक्षक अभियंता महेंद्र आमले, लाभक्षेत्र विकास प्राधिकरणाचे अधीक्षक अभियंता व प्रशासन सु. ज. वंजारी यांनी कळविले आहे.