जळगाव : स्थायी समितीच्या 16 सदस्यांपैकी 8 सदस्यांचा कार्यकाळ पूर्ण होत असून, उद्या (ता. 17) होणाऱ्या स्थायी समितीच्या सभेत चिठ्ठी टाकून या आठ सदस्यांना निवृत्त केले जाणार आहे. त्यामुळे या प्रक्रियेकडे आता लक्ष लागून आहे.
स्थायी समितीच्या आठ सदस्यांच्या निवृत्तीसाठी उद्या (ता 17) सकाळी अकराला सभापती जितेंद्र मराठे यांच्या अध्यक्षतेखाली विशेष सभा होणार आहे. गेल्यावर्षी झालेल्या निवडणुकीनंतर 11 सप्टेंबर 2018 ला या सदस्यांची निवड करण्यात आली होती. या समितीमध्ये एकूण 16 सदस्य असून, यामध्ये भाजपचे भगत बालाणी, सदाशिव ढेकळे, ऍड. सुचिता हाडा, उज्ज्वला बेंडाळे, ऍड. दिलीप पोकळे, प्रवीण कोल्हे, सुनील खडके, प्रतिभा पाटील, चेतन सनकत, सुरेश सोनवणे, मयूर कापसे, जितेंद्र मराठे हे 12 सदस्य तर शिवसेनेचे नितीन लढ्ढा, विष्णू भंगाळे, नितीन बरडे हे तीन तर एमआयएमचे रियाज बागवान यांचा समावेश आहे. या 16 सदस्यांपैकी उद्या होणाऱ्या सभेत कोणत्या आठ जणांचा पत्ता कट होतो, याकडे सर्वांचे लक्ष लागून आहे.
विधानसभेनंतर सभापती निवड
स्थायी समितीमधील आठ सदस्यांची मुदत उद्या (ता.17) संपत आहे. स्थायी समितीचे सभापती जितेंद्र मराठे यांचा कार्यकाळ 30 ऑक्टोबरपर्यंत असून, सभापतींची निवड ही विधानसभा निवडणुकीनंतरच होणार असल्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.