Nandurbar Ganeshotsav : येथील पुरातन गणपती मंदिरात श्री गणेशोत्सवानिमित्त साई आर्ट ॲकॅडमीच्या सदस्यांनी माळीवाड्याच्या राजा गणपती देवाची रांगोळी साकारण्यास तब्बल ४८ तास कालावधी लागला. लेक व पिगमेंट कलरचा वापर करून आठ किलो रांगोळीने माळीवाडाच्या राजाची रांगोळी सकारण्यात आली.

(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)

मानाचा दादा गणपती व लालबागचा राजा या गणपतींची रांगोळीने भाविकांना आकर्षित केले आहे. गणपती मंदिर संस्थानचे प्रदीप भट व कर्मचारी महासंघाचे रणजितसिंग राजपूत, तसेच उद्योजक नीतेश अग्रवाल यांच्या हस्ते कलाशिक्षक गौरव माळी व त्यांच्या सहकाऱ्यांच्या सत्कार करण्यात आला.

नीतेश अग्रवाल यांच्या सौजन्याने रांगोळी रेखाटण्यात आली. रांगोळी रेखाटण्यासाठी सानिका उतरवार, हेतल पवार, वैष्णवी चौधरी, निशाल वारुडे, वैदाली सोनार, हर्षाली माहेश्वरी यांनी मदत केली. गणेशभक्तांच्या दर्शनासाठी गणपती मंदिरात रांगोळी ठेवण्यात आली आहे, असे पुजारी अमोल भट यांनी सांगितले.