नंदुरबार : जिल्ह्यातील सर्व न्यायालयांतील तडजोडक्षम प्रलंबित फौजदारी, दिवाणी, मोटार अपघात प्रकरणे, धनादेश अनादर झाल्याची प्रकरणे, कौटुंबिक वाद प्रकरणे व दाखलपूर्व प्रकरणांमध्ये वीज, पाणीपट्टी, घरपट्टी व बँका, श्रीराम फायन्सास, इक्विट्स फायनान्स व बीएसएनएल यांची थकबाकीची एक हजार ६६५ प्रकरणे शनिवारी (ता. २७) झालेल्या राष्ट्रीय लोकअदालतीमध्ये आपसात तडजोडीने निकाली काढण्यात आली. यात सहा कोटी २८ लाख २४ हजार ५८९ रुपये वसूल करण्यात आले. (Nandurbar 6 Crore 28 Lakhs recovered in Lok Adalat)
जिल्हा न्यायालयातील लोकअदालतीत प्रमुख जिल्हा व सत्र न्या. आशुतोष करमरकर, जिल्हा न्यायाधीश-१ आर. जी. मलशेट्टी, जिल्हा न्यायाधीश-२ एम. आर. नातू, वरिष्ठ स्तर दिवाणी न्या. एस. टी. मलिये, मुख्य न्यायदंडाधिकारी अजित ए. यादव, जिल्हा विधी सेवा प्राधिकरणचे सचिव महेंद्र ब. पाटील, वरिष्ठ स्तर दुसरे सह दिवाणी न्यायाधीश आर. एन. गायकवाड, कनिष्ठ स्तर २ रे सह दिवाणी न्या. ए. आर. कुलकर्णी, तसेच पॅनल विधिज्ञ उपस्थित होते.
लोकन्यायालयाच्या यशस्वितेसाठी जिल्हा व सत्र न्यायालयातील प्रभारी प्रबंधक डी. पी. सैंदाणे, वकील संघाचे अध्यक्ष ॲड. प्रेमानंद इंद्रजित, जिल्हा विधी सेवा प्राधिकरणचे अधीक्षक जे. वाय. सानफ तसेच न्यायालयीन कर्मचारी व विधिज्ञ यांनी सहकार्य केले. (latest marathi news)
या लोकन्यायालयात नंदुरबार जिल्ह्यातील प्रलंबित व दाखलपूर्व दोन्ही मिळून संपूर्ण जिल्ह्यातून एक हजार ६६५ प्रकरणे सामंजस्याने निकाली काढण्यात आली असून, या प्रकरणांतून सहा कोटी २८ लाख २४ हजार ५८९ रुपयांची तडजोड करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.