Nandurbar News : सीमा तपासणी नाक्यावर टॅक्स न भरता इतर मार्गाने वाहनचालक वाहतूक करतात. शासनाचा लाखो रुपयांचा महसूल बुडवून इतर मार्गाने अवजड वाहने ये-जा करतात. चोरटी वाहतूक बंद करावी, असे निवेदन तहसीलदार, पोलिस निरीक्षकांना आजूबाजूच्या २०-२२ गावांतील ग्रामस्थांनी दिले. नवापूर सीमा तपासणी नाक्याच्या आजूबाजूला असणाऱ्या बेडकी, बंधारफळी, आमपाडा, गडद, करंजी खुर्द, खेकडा, झामणझर, लक्कडकोट, खोकरवाडा, कारेघाट, भवरे, बारी, बिलमांजरे, मुगधन, किलवनपाडा, खरबुर्डी, सुकाफळी, करंजी ओवारा, युवा, भुरीवेल, सागीपाडा, खाटीजांबी येथील रहिवासी व नागरिकांनी निवेदन दिले. (ignoring of heavy vehicles to border check post )

नवापूर तपासणी नाका येथे अवजड वाहने त्यांच्या कागदपत्रांची तपासणी न करता व शासनाचा महसूल न भरता बेडकी, बंधारफळीमार्गे करंजी, ओवारापर्यंत जातात. या ठिकाणी बेडकी, बंधारफळी, आमपाडा, गडद, करंजी खुर्द, खेकडा, झामणझर, लक्कडकोट, खोकरवाडा, कारेघाट, भवरे, बारी, बिलमांजरे, मुगधन, किलवनपाडा, खरबुर्डी, सुकाफळी, करंजी ओवारा, युवा, भुरीवेल, सागीपाडा, खाटीजांबी या गावांतील नागरिकांची रहदारी असते व त्यांची वाहनेदेखील ये-जा करीत असतात. (latest marathi news)

अशा वेळी ही वाहने अतिशय जोरात येतात व समोरून येणाऱ्या वाहनांचा कुठल्याही प्रकारे विचार न करता अंगावर जातात व यामुळे अनेकदा अपघातदेखील झालेले आहेत. पत्र प्राप्त झाल्यापासून दोन दिवसांच्या आत कार्यवाही न झाल्यास व वाहनांची यामार्गे ये-जा बंद न झाल्यास सर्व नागरिक नवापूर येथील तहसील कार्यालय व पोलिस ठाण्याच्या आवारात उपोषण करतील, असे निवेदनात म्हटले आहे.

यांनी दिले निवेदन

निवेदनावर माजी पंचायत समिती सभापती दिलीप गावित, काँग्रेस पक्षाचे तालुकाध्यक्ष दिलीप गावित, बोकलझरचे माजी सरपंच राहुल गावित, आयुब गावित, सुनील चौधरी, अरविंद गावित, राजू गावित, सोनू पाडवी, आदन गावित, रिनेश मावची, अशोक गावित, जेशवन गावित, रिकेश गावित, इमानवेल गावित, विजय गावित, कमाजी गावित, गोमा गावित, नीतेश गावित, विजय गावित, वनिस गावित, राहुल गावित, लाजरस गावित, पौलस कुंवर यांच्या सह्या आहेत.