नाशिक : कोरोनाच्‍या (Coronavirus) प्रादुर्भावाच्‍या अनुषंगाने ऑगस्‍ट महिन्‍याची सुरवात दिलासादायक झालेली आहे. काल (ता.१) जिल्‍ह्यात ८३ पॉझिटिव्‍ह आढळलेले असतांना, सोमवारी (ता.२) जिल्‍ह्यात ५७ कोरोना बाधित आढळले. तर दिवसभरात ८० रुग्‍णांनी कोरोनावर यशस्‍वीरीत्‍या मात केली. तीन बाधितांचा मृत्‍यू झाला आहे. सद्यःस्‍थितीत जिल्‍ह्यात एक हजार ८० बाधितांवर उपचार सुरु आहे.

ऑगस्‍ट महिन्‍याची सुरवात दिलासादायक

सोमवारी नाशिक महापालिका क्षेत्रातील २६, नाशिक ग्रामीणमधील तीस रुग्‍णांचे अहवाल पॉझिटिव्‍ह आले. जिल्‍ह्याबाहेरील एकाला कोरोनाची लागण झालेली असतांना, मालेगाव महापालिका क्षेत्रात एकही बाधित आढळून आला नाही. जिल्‍ह्यातील तीन बळींमध्ये नाशिक महापालिका क्षेत्रातील एक व नाशिक ग्रामीण क्षेत्रातील दोघांचा समावेश आहे. सायंकाळी उशीरापर्यंत एक हजार ३८४ रुग्‍णांना अहवालाची प्रतिक्षा होती. नाशिक ग्रामीणमधील ९५५, मालेगाव २३२ तर नाशिक महापालिका क्षेत्रातील १९७ रुग्‍णांना अहवालाची प्रतिक्षा होती. जिल्‍हाभरातील रुग्‍णालये व गृहविलगीकरणात (home quarantine) ३५७ रुग्‍ण आढळले. यापैकी नाशिक महापालिका क्षेत्रातील ३१५ रुग्‍णांचा समावेश होता. जिल्‍हा रुग्‍णालयात सहा, डॉ. वसंत पवार वैद्यकीय महाविद्यालयात पाच रुग्‍ण दाखल झाले. नाशिक ग्रामीणमधील ३१ रुग्‍णांचा समावेश होता.

(57-corona-positive-80-corona-free-in-Nashik-district-update)