देवळा (जि. नाशिक) : देवळा- नाशिक रस्त्यावरील रामेश्‍वर फाट्याजवळ असणाऱ्या ठेका हॉटेल येथून ६ हजार ६९० देशी- विदेशी मद्यसाठा जप्त करण्यात आला. नाशिक ग्रामीणच्या अपर पोलिस अधीक्षक माधुरी केदार- कांगणे यांच्या पथकाने कारवाई केली असून, एकाला ताब्यात घेण्यात आले आहे.

पोलिस अधीक्षक सचिन पाटील यांच्या मार्गदर्शनाखाली अपर पोलिस अधीक्षक माधुरी केदार- कांगने यांच्या मार्गदर्शनाखाली जिल्ह्यातील अवैध गुटखा, मद्य व अंमली पदार्थांची अवैध वाहतूक व विक्री रोखण्यासाठी पथकाने देवळा (Deola) येथील हॉटेल ठेका येथे कारवाई केली. सोमवारी (ता. २१) देवळा पोलिस ठाण्याच्या हद्दीतील देवळा- सोग्रस रोडवरील ठेका हॉटेल येथे बेकायदेशीर चोरट्या रीतीने देशी- विदेशी दारूची साठवणूक करून विक्री करताना शाम अशोक गावंडे (वय २४, रा. ठेका हॉटेल, रामेश्‍वर फाटा, ता. देवळा, जि. नाशिक (Nashik)) याच्या ताब्यात एकूण ६ हजार ६९० रुपये किमतीचा अवैध दारुसाठा मिळून आला. त्यानुसार त्याच्यावर देवळा पोलिस ठाण्यात गुन्हा दाखल करण्यात आला आहे. पोलिस नाईक रावसाहेब कांबळे, भाऊसाहेब टिळे, कुणाल वैष्णव यांनी सदर कामगिरी केली.