नाशिक : पंचवटीतील हिरावाडीत सुरू असलेल्या हाणामाऱ्या सोडविण्यास गेलेल्या पोलिस कर्मचाऱ्यालाच धक्काबुक्की झाल्याने याप्रकरणी 9 जणांविरोधात सरकारी कामात अडथळा आणल्याप्रकरणी गुन्हा दाखल करण्यात आला आहे. 

अशी आहे घटना

पोलिस कर्मचारी संदीप घुगे यांच्या फिर्यादीनुसार, संशयित राहुल बाबाजी पाटील (28), केतन अशोक थोरात (25), विशाल नाना वाघ (18), संदीप सिंग शिखोने (32), सुरज माधव खोडे, कपिल रमेश वानखेडे, प्रतिक भाऊसाहेब पठारे (29), अमित रमेश लहामगे (28), पवनदीप अमरसिंग संधू या संशयितांमध्ये सोमवारी (ता.24) गोकुळधाम सोसायटी च्या पार्किंगमध्ये दारु पिऊन त्यांच्यात हाणामाऱ्या सुरू होत्या. त्यावेळी गस्तीवर असलेले पोलिस कर्मचारी संदीप घुगे यांनी सदरचा वाद मिटविण्यासाठी गेले. त्यांना उगाच वाद घालू नका, आपापल्या घरी जा असे नीट समजवले. परंतू प्रमाणाबाहेर मद्यप्राशन केलेल्या संशयितांनी आधी धक्काबुक्की केली व नंतर शिवीगाळ करत पोलिस कर्मचारी संदीप घुगे यांना मारहाण केली व सरकारी कामात अडथळा आणला. याप्रकरणी पंचवटी पोलिसात गुन्हा दाखल करण्यात आला असून सहाय्यक निरीक्षक एस.जी. पवार हे तपास करीत आहेत. 

हेही वाचा > चार महिन्यांच्या गर्भवतीला सांगितले.."काहीही कर..पैसे आण"...ग्रामस्थांचा कॅंडलमार्च..

दिवसेंदिवस तरुणांमध्ये असे असभ्यवृत्तीचे प्रमाण वाढले असून त्यावर आळा घालणे गरजेचे आहे. याकडे पालकांनी व तसेच, स्वत: तरुणांनी आपली वागणूक सुधारणे आवश्यक आहे. संबंधित प्रकरणाचा पंचवटी पोलीस तपास करत आहेत.

हेही वाचा > जन्मदात्याचे चांगलेच फेडले पांग!...प्रॅापर्टीसाठी केला अमानुषपणाचा कहर

हेही वाचा > 'आधी माहीत असतं तर तुला मी पाठवलंच नसतं!'...असं म्हणत आईने फोडला हंबरडा