Bhaubij Pahat: दिपोत्सव उत्सवात नाशिककरांना भाऊबीजेच्या पहाटे सुरेल संगिताच्या मैफिलीचा आस्वाद मिळाला.

युवक मित्र मंडळातर्फे मुंबई नाका परिसरात भाऊबीज पहाट कार्यक्रमाचे बुधवारी (ता. १५) आयोजन करण्यात आले होते. (citizen Enjoy melodious music early morning of Bhaubeej pahat nashik news)

सागर म्हात्रे, श्वेता दांडेकर, गौरी गोसावी, संदीप थाटसिंगार, मनीष ठुंबरे या गायकांच्या सुरेल गायनाने मैफिल रंगतदार झाली. सुर निरागस हो... गीताने मैफिलीला प्रारंभ झाला अन् उपस्थित सारे रसिक श्रोते सुरांच्या सप्त सागरात रमले. विठू माऊली, रखुमाई- रखुमाई, खेळ मांडला यांसारख्या सुमधुर गीतांचे कलावंतांनी सादरीकरण केले.

तबला व ढोलकी वादन अमोल पाळेकर व मनिष ठुंबरे यांनी केले. गंगा हिरेमठ यांनी ढोलक तर सुशील केदारे यांनी ऑक्टोपॅ़ड वादन केले.

प्रसाद पात्रे, जयेश भालेराव यांनी किबोर्ड वादन केले. चैतन्य पाळेकर यांनी ताल वाद्य वादन केले. संतोष फासाटे यांनी निवेदन केले.

यावेळी माजी आमदार वसंत गिते, प्रथमेश गिते यांची उपस्थिती होती. किरण मोटाकरी, किशोर परदेशी, प्रशांत भदाणे, स्वनिल मोटकारी, संदीप हिरवे, गणेश मोरे, मयूर गिते,वैभव शेवालें, स्वराज गाड़े, प्रतिक गिते यांनी कार्यक्रमाच्या यशस्वीतेसाठी प्रयत्न केले. भाऊबीजेच्या औचित्यावर या सुरेल मैफिलीचा आस्वाद घेण्यासाठी रसिक श्रोते उपस्थित होते.