Nashik News : स्वच्छ महाराष्ट्र अभियान २.० च्या अंमलबजावणीसाठी शहर समन्वयक पदावर कंत्राटी तत्त्वावर नियुक्त करण्यात आलेल्या अधिकाऱ्याला अभियान सर्वेक्षणाच्या पार्श्‍वभूमीवर पाच महिन्यांची मुदतवाढ दिली जाणार आहे.

त्यासंदर्भातील प्रस्ताव महासभेवर सादर करण्यात आला आहे. (City coordinator will get extension Nashik News)

महापालिकाक्षेत्रात स्वच्छ महाराष्ट्र अभियान २.० ची अंमलबजावणी सुरू आहे. स्वच्छ महाराष्ट्र अभियानांतर्गत विविध उपक्रमांचे नियोजन, अंमलबजावणी, देखरेख नियंत्रण व अहवाल तयार करणे तसेच प्रभावीपणा व गुणवत्ता राखण्याच्या दृष्टीने महापालिकेने कंत्राटी तत्त्वावर शहर समन्वयक पदावर प्रशांत ठोके यांची सहा महिन्यांसाठी नियुक्ती केली आहे.

१८ ऑक्टोबरला कालावधी संपुष्टात आल्याने स्वच्छ महाराष्ट्र अभियान २.० च्या अंमलबजावणी साठी पाच महिन्यांची मुदतवाढ दिली जाणार आहे. २४ मार्च २०२४ पर्यंत मुदतवाढ राहील.