नाशिक : लग्नसराई (wedding season) आणि सुट्यांमुळे (Holiday) प्रवासीसंख्येत वाढ झाल्याचे बघायला मिळाले. रविवारी (ता. १३) शहरातील नवीन सीबीएस (CBS) बसस्थानकावर प्रवाशांच्या तिकिटासाठी रांगा लागल्याचे चित्र होते, तर पुण्यासह औरंगाबाद, धुळे व अन्य मार्गांसाठी प्रवासीसंख्येत वाढ झाल्याचे आढळले.
तिकीट मिळविण्यासाठी मोठी रांग
एसटी कर्मचाऱ्यांचा अघोषित संप सुरू असला, तरी एसटी बससेवा हळूहळू पूर्वपदावर येत आहे. नाशिक विभागातून दैनंदिन दोनशेहून अधिक बसगाड्या धावू लागल्या आहेत. रविवारी नवीन सीबीएस बसस्थानकावर प्रवाशांची मोठी गर्दी बघायला मिळाली. येथील बहुतांश बसगाड्या विनावाहक सोडल्या जात असल्याने बसचे तिकीट मिळविण्यासाठी प्रवाशांची मोठी रांग लागल्याचे चित्र अनुभवायला मिळाले. जिल्हाबाहेरील व लांब पल्ल्याच्या मार्गांसाठी खासगी शिवशाही उपलब्ध करून दिल्या जात आहेत. जुने सीबीएस परिसरातून जिल्हांतर्गत मार्गांसाठी बसगाड्या सोडण्यात येत आहेत. सध्या बहुतांश प्रवासी लग्नसराईनिमित्त प्रवास करीत असल्याने त्यांच्याकडील बॅग व इतर साहित्यही मोठ्या प्रमाणावर राहत आहे.
खासगी ट्रॅव्हल्सचीही चांदी
एसटी महामंडळाच्या बसगाड्यांसमवेत खासगी ट्रॅव्हल्सच्या गाड्यांनाही प्रवाशांचा चांगला प्रतिसाद मिळत आहे. मिळेल त्या वाहनाने प्रवासावर भर दिला जात असल्याने खासगी ट्रॅव्हल्सचालकांचाही चांगला व्यवसाय सध्या होत आहे. अनेक ठिकाणी आगाऊ नोंदणी करून बसगाड्या उपलब्ध करून दिल्या जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.