Dhule News : बंदी असलेल्या प्लॅस्टिक माल पिशव्या आढळून आल्याने महापालिकेच्या पथकाने संबंधित तीन व्यापाऱ्यांकडून एकूण २० हजार रुपये दंड वसुल केली. तसेच, या कारवाईत २०० किलो प्लॅस्टिक मालही जप्त करण्यात आला. धुळे महापालिका आयुक्तांच्या आदेशाने महापालिकेच्या पथकाने धुळे शहरात प्लॅस्टिक बंदीबाबत कारवाई केली. (Dhule Plastic Ban)

शहरातील सुनील ट्रेडर्स, हॅपी गारमेंटस, हरे कृष्णा या तीन दुकानांत बंदी घातलेला प्लॅस्टिक पिशव्या आढळून आल्या. त्यामुळे या दुकानदारांकडून दंड वसुल करुन प्लॅस्टिक माल पथकाने जप्त केला.

यात सुनील ट्रेडर्सला दहा हजार तर हॅपी गारमेंटस व हरे कृष्णा या दुकानाच्या मालकांना प्रत्येकी पाच हजार रुपये दंड करण्यात आला. (latest marathi news)

मुख्य स्वच्छता निरीक्षक राजेश वसावे, प्लॅस्टिक बंदी पथकप्रमुख लक्ष्मण पाटील, स्वच्छता निरीक्षक संदीप मोरे, साईनाथ वाघ, रुपेश पवार, मनीष आघाव, रतन निरगुडे, अख्तर शेख, गौरव माळी यांच्या पथकाने ही कारवाई केली.