Dr. Bharati Pawar : देशात कोविडचा प्रादुर्भाव पुन्हा वाढतो आहे. त्याचाच आढावा घेण्यासाठी आज देशभर कोविड मॉकड्रील झाले. राज्यात नाशिकला कोविडचा पॉझिटीव्हीटी दर पाच टक्केच आहे.

कोविडचा नवा विषाणू गंभीर नाही पण त्याचा प्रसार मात्र खूप गतीने होतो, त्यामुळे नागरिकांनी काळजी घेतली पाहिजे. गर्दीच्या ठिकाणी गरजेनुसार मास्कचा वापर केला पाहिजे, असे आवाहन केंद्रीय आरोग्य राज्यमंत्री डॉ. भारती पवार यांनी केले. (Dr Bharati Pawar statement Nashik Covid positivity rate 5 percent nashik news)

जगातून कोविड प्रादुर्भाव कायम आहे. नाशिकला नव्या व्हेरिएंटचे ८६ रुग्ण आढळले त्यातील अवघे दोनच रुग्ण ॲडमिट आहे. नवीन व्हेरिएंट फार गंभीर नाही. पण त्याचा प्रसार मात्र खूप गतीने होतो त्यामुळे काळजी घेतली पाहिजे.

राज्यात ११ ते १२ जिल्ह्यात पॉझिटीव्हीटी दर १० टक्के आहे. अशा पार्श्वभूमीवर आज (ता.१०) कोरोना नियंत्रणासाठीच्या तयारीचा आढावा घेतला.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

डॉ. पवार म्हणाल्या की, नाशिकला २१ हजार बेड उपलब्ध आहेत. आपत्तीकालीन स्थितीला तोंड देण्यासाठी पुरेशा प्रमाणात प्राणवायू आहेत. साधारण ६०० मेट्रीक टन साठवणूक क्षमता आहे. जिल्ह्यात पहिल्या डोसचे ९० टक्के तर दुसरा डोस ८१ टक्के जणांनी घेतला आहे.

ग्रामीण भागात ४० बेड तयार आहे. ५८ व्हेंटिलेटर तसेच पुरेसा औषधाचा साठा आहे. ज्या भागात रुग्णसंख्येचा दर वाढत असेल तेथे स्थानिक प्रशासन मास्क वापरासह इतर काही नियम करू शकणार आहे., नागरिकांनी काळजी घ्यावी.