नाशिक : प्रधानमंत्री 'कुसुम' योजनेअंतर्गत (PM Kusum yojana) सौर पंपासाठी काही बनावट (Fake) संकेतस्थळ, मोबाईल ॲप, दूरध्वनी व भ्रमणध्वनीद्वारे योजनेच्या नावाखाली शेतकऱ्यांना लाभार्थ्यांना सौर पंप मिळण्यासाठी अर्ज करण्यास, नोंदणी शुल्क आणि सौरपंपाची किंमत ऑनलाइन भरण्यास सांगत आहे. त्यामुळे अर्ज करणाऱ्या सर्व शेतकऱ्यांना व लाभार्थ्यांनी अशा खोट्या फसव्या संकेतस्थळांना मोबाईल आपला भेट देऊ नये, असे आवाहन महाऊर्जाचे विभागीय व्यवस्थापक हेमंत कुलकर्णी यांनी केले आहे. (Farmers beware of fraudulent websites mobile numbers Nashik News)

प्रधानमंत्री 'कुसुम' योजना राज्य सरकारच्या महाऊर्जा या विभागामार्फत राबविण्यात येणार आहे. त्यासाठी योजनेच्या अधिक माहितीसाठी महाऊर्जाच्या www.mahaurja.com या संकेतस्थळावर किंवा विभागीय कार्यालय महाऊर्जा, नाशिक, जिल्हा कार्यालय महाऊर्जा धुळे, जळगाव, अहमदनगर येथे माहिती दिली जात आहे. मात्र असे असताना देखील काही बनावट संकेतस्थळ, मोबाईल ॲप, दूरध्वनी व भ्रमणध्वनीद्वारे योजनेच्या नावाखाली शेतकऱ्यांना लाभार्थ्यांना फसविण्याचा प्रकार घडू शकतो. त्यामुळे प्रधानमंत्री 'कुसुम' योजना अंतर्गत सौर पंपासाठी अर्ज करणाऱ्या सर्व शेतकऱ्यांना व लाभार्थ्यांनी खोट्या फसव्या दूरध्वनी भ्रमणध्वनी संभाषणाला आव्हानाला बळी पडू नये. तसेच सदर संकेतस्थळावर किंवा वापर कोणत्याही पद्धतीने पैशांचा भरणा करू नये, असे आवाहन श्री. कुलकर्णी यांनी केले.