नाशिक / मालेगाव : मालेगाव मध्ये नव्याने आणखी पाच कोरोना बाधित रुग्ण आढळले आहेत. यात एक चांदवड येथील रहिवासी असून नाशिकमध्ये कोरोना बाधित रुग्णांची संख्या आता 12 वर पोहचली आहे. तसेच त्यात एकाचा मृत्यू झाला आहे. या कोरोना बाधितांमध्ये मालेगावी 9 तर नाशिकला दोन रुग्णांवर उपचार सुरू आहेत.

मुंबई-पुणे पाठोपाठ  नाशिक जिल्ह्यातही कोरोनाचे संकट अधिक गहिरे
मुंबई-पुणे पाठोपाठ आता नाशिक जिल्ह्यातही कोरोनाचे संकट अधिक गहिरे होत चालले असून गुरुवारी (दि.८) मालेगाव येथील एकाचा कोरोनाने पहिला बळी घेतला आहे. याशिवाय, मालेगाव शहरातीलच ९ संशयितांच्या स्वॉबचे नमुने पॉझिटीव्ह आल्याने जिल्हा प्रशासकीय यंत्रणा हादरली. . कोरोनाबाधितांमधील बळी गेलेला रुग्ण हा महिनाभरापूर्वीच सौदीवरुन आल्याचे सांगितले जाते. मालेगाव येथील सामान्य रुग्णालयातून आतापर्यंत ६७ संशयितांच्या स्वॅबचे नमुने तपासणीसाठी पाठविण्यात आले होते. त्यात आता आणखी ९ जणांचे अहवाल पॉझिटीव्ह आले आहेत. दरम्यान, अहवाल प्राप्त होण्यापूर्वीच एका कोरोना संशयिताचा बुधवारी (दि.८) सकाळी रुग्णालयात उपचार सुरु असतानाच मृत्यू झाला. त्याचा दफनविधी पार पडल्यानंतर सायंकाळी त्याच्या स्वॉबच्या नमुन्याचा पॉझिटीव्ह अहवाल प्राप्त झाला.

हेही वाचा > #Lockdown : 'लॉकडाउन'च्या अंधारावर उमटली चार चिमुकली पावले...'ते' देवदूतासारखे धावले मदतीला!

त्यामुळे नाशिक जिल्ह्यात कोरोना विषाणूच्या संसर्गाने पहिला बळी गेला आहे. याशिवाय, अन्य सामान्य रुग्णालयात उपचार घेत असलेल्या ९ संशयितांचेही नमुने पॉझिटीव्ह आल्याने जिल्हा प्रशासनासह आरोग्य यंत्रणा पुरती हादरली आहे. नाशिक जिल्ह्णात मंगळवारपर्यंत कोरोना बाधितांची संख्या दोन होती. त्यात आता मालेगावमधील ९ आणि नाशिकला दोन, त्यापैकी एकाचा मृत्यू असे एकूण १२ रुग्ण असल्याचे आढळले. यामुळे मालेगाव उत्तर महाराष्ट्रातील कोरोना हॉटस्पॉट बनणार आहे.

हेही वाचा > "कोरोना व्हायरस''चा ऑनलाइन जगतातही संसर्ग...सावध व्हा!...कारण

मालेगावमधील कोरोना बाधित रूग्णांपैकी महेवीनगर येथील सत्तावीस वर्षीय रूग्णाचे मरकज कनेक्शन असल्याची माहिती मिळत आहे. तर उर्वरीत रूग्ण मोमीनपूरा, नयापूरा भागातील आहेत. या पार्श्वभूमीवर शहराचा संपूर्ण पूर्व भाग कवेत येणार असून  प्रशासनाची आता चांगलीच तारांबळ.उडणार आहे.