Nashik Crime : कनाशी (ता.कळवण) येथे शनिवारी (ता.१०) मध्यरात्रीच्या सुमारास चोरांनी घरफोडी करत एक लाख ७८ हजाराचा मुद्देमाल लंपास केला. घरफोडीमुळे परिसरातील नागरिकांमध्ये भितीचे वातावरण निर्माण झालेले आहे.

या घरफोडीत श्रीराम देवस्थानाचे प्रभू श्रीराम, लक्ष्मण व सीतामाता यांचे मूर्तीचे सुमारे २ किलो वजनाचे चांदीचे तीन मुकुटाचा समावेश आले. याप्रकरणी पोलिस ठाण्यात गुन्हा दाखल करण्यात आला आहे. (Forced burglary in Kanashi 2 lakh stolen Nashik Crime)

हेही वाचा : Credit Card फसवणूक....काय घ्याल काळजी?

कनाशी येथील कैलास जगन्नाथ गायकवाड यांच्या घराच्या दरवाजाचे शनिवारी रात्री चोरट्यांनी कडीकोयंडा तोडत कपाटातील सोन्याच्या दागिनेसह आठ हजार रोख रक्कम व कनाशी श्रीराम देवस्थानाचे प्रभू श्रीराम, लक्ष्मण व सीतामाता यांचे मूर्तीचे सुमारे २ किलो वजनाचे चांदीचे तीन मुकुट असा सुमारे एक लाख ७८ हजाराचा मुद्देमाल लंपास केले आहे.

चोरीच्या घटनेनंतर पोलिसांनी या चोरीचे गांभीर्य लक्षात घेत नाशिक येथील श्वानपथक पाचारण करण्यात आले. श्‍वान यांनी एटीएम मशिनपर्यंत माग काढला.

मात्र पुढे ते थांबले. श्री. गायकवाड यांच्या घरी चोरी केल्यानंतर चोरट्यांनी नरेंद्र रामराव जाधव व राजेंद्र हरिश्चंद्र निकम यांच्या घराचे दरवाजाचेही कडीकोंडके तोडून आत प्रवेश केला. पण येथे त्यांना मुद्देमाल मिळाला नाही.