Nashik News : वन क्षेत्रालगतच्या गावांतील अनुसूचित जमातीच्या व्यक्तींना सवलतीच्या दराने स्वयंपाक गॅसचे (एलपीजी) दिले जातात.

प्रजासत्ताक दिनी काकडपाडा अंतर्गत डोकओहळ या गावातील नऊ लाभार्थ्यांना गॅस वितरित केल्याची माहिती उप वनसंरक्षक पंकज गर्ग यांनी दिली. ()

नाशिक पश्चिम वनविभागाच्या कार्यक्षेत्रामध्ये असलेले वनक्षेत्र हरसूल या भागात जंगलातील लाकडांचा वापर कमी करण्यासाठी प्रयत्न केले जात आहेत. पर्यावरणाचा समतोल राखणे हा या योजनेचा मुख्य उद्देश आहे.

यासाठी प्रकल्प अधिकारी, आदिवासी विकास प्रकल्प यांच्याकडून लाभार्थींची यादी मंजूर करून प्रस्ताव सादर केला जातो. त्यानुसार वनपरिक्षेत्र अधिकारी हरसूल यांच्याकडील डोकओहळ गावच्या लाभार्थ्यांना गॅस देण्यात आला.

यावेळी सहायक वनसंरक्षक अनिल पवार यांच्या मार्गदर्शनाखाली वनपरिक्षेत्र अधिकारी, वनपरिमंडळ अधिकारी व त्यांच्या अधिनस्त वन कर्मचाऱ्यांच्या हस्ते लाभार्थ्यांना नवीन गॅसचे वितरण झाले.