नाशिक : सर्वोच्च, उच्च व स्थानिक न्यायालयामध्ये महापालिकेचे खटले लढविण्यासाठी वकील पॅनलची पुनर्रचना करण्याचा निर्णय घेतला आहे. त्यासाठी ८७ वकिलांनी महापालिकेकडे अर्ज केले असून, यात उच्च न्यायालयात महापालिकेची बाजू मांडण्यासाठी २३ वकिलांनी अर्ज केले आहे. जिल्हा न्यायालयात वकिलांना नियुक्ती करण्यासाठी शुक्रवार (ता. ४) पासून मुलाखत प्रक्रिया सुरू झाली. त्यात पहिल्या दिवशी ३२ वकिलांनी मुलाखत दिली.

सर्वोच्च न्यायालय, उच्च न्यायालय, स्थानिक न्यायालयात तसेच कामगार न्यायालयात महापालिकेचे बाजू मांडण्यासाठी वकील नियुक्त केली जातात. महापालिकेत सध्या २७ वकील कार्यरत आहे. यामध्ये जिल्हा न्यायालयात १७ उच्च न्यायालयात आठ व सर्वोच्च न्यायालयात दोन वकील काम पाहतात. वकिलांना महापालिकेकडून फी अदा केली जाते. वकिलांची फौज उभी करूनही महापालिकेच्या विरोधात निकाल जात असल्याचे प्रकार गेल्या काही वर्षात वाढले आहे. त्या पार्श्वभूमीवर महापालिका आयुक्त कैलास जाधव यांनी वकील पॅनलची पुनर्रचना करण्याचा निर्णय घेतला होता. त्यासाठी जाहिरात काढण्यात आली. जिल्हा न्यायालय व कामगार न्यायालयासाठी २७ वकिलांनी अर्ज केले होते.

उच्च न्यायालयासाठी आठ वकिलांनी अर्ज केले होते. जिल्हा न्यायालयात वकील पॅनलची नियुक्ती करण्यासाठी मुलाखती सुरू झाल्या. महापालिका आयुक्त कैलास जाधव, प्रशासन उपायुक्त मनोज पाटील, विविध विभागाच्या अधिकाऱ्यांनी ३२ मुलाखती घेतल्या. उच्च न्यायालयासाठी १० मार्चला मुलाखत होणार आहे